Сам пайдай і другому ўкусіць дай. Mien., 395. Калі робіш дрэннае для людзей, то робіш дрэннае для сябе. А. Фядосік, 1969, Стол. 8.2.15. Што людзём пазычыш, то і сам палучыш. Добр., Смол., 17. Ляпей быць пакрыўджаным, ніж каго скрыўдзіць. Fed., 155. Любіў добрае, цярпі ж і злое. Нос., 75. Няхай нашае перайдзець. Tyszk., 422. Вар.: Нос., 106; Pietk., 380. Добрым не адагнаць кепскага. Fed., 78. Ліхое ліхім і збываць. Ром., Зап., III, 222. Не вер воўчаму сэрцу. Сцяшк., 601, Слон. Сам у сябе папытай. Fed., 253. Цягні конскую главу, ды не чалавечую. Вас., 15. Не цягні чалавечай галавы з гразі — самога ўтопіць, а цягні конскую — самога выцягнець. Нос., 108. І над сабакаю трэба літасць мець. Fed., 269. Хто людзём жалае дабра, тэй палучыць сам сабе заўсягда. Добр., Смол., 36. Умеў прынімаць добрае — умей прынімаць і худое. Гильт., 287, Дзісен. п. Не кідай жывога, не шукай умершага. Fed., 373. Не смуцься, страціўшы, не цешся, знайшоўшы. Сцяшк., 602, Воран.