277. Не дадзержыць ліха напроці дабра. Fed., 165. 278. Смала к дубу не прыстанець. Нос., 151. 279. Харошае доўга помніш, а дрэннае век не забудзеш. Л. Задаля, 1967, Клецк. 13.10.14. Вар.: 1961, Брасл. 13.9.5. а) Добрае доўга помніцца, а кепскае (ліхое, дрэннае) ніколі не забудзеш. Янк., 215. б) Дабро помніцца менш, чымсі зло. Нос., 35. Вар.: Рапан., 233. в) Добрае доўга ў памяці, а ліхое яшчэ даўжэй. Fed., 78. Вар.: Рапан., 234. г) Ліха даўжэй у памяці, як дабро. Fed., 164, 165. д) Ліхое доўга ў памяці. Fed., 165. 280. І камень дабро помніць. А. Махнач, 1952, Уздз. 13.10.15. 281. Добра тое, што забытае. Fed., 346. 282. Добрае помні, злое забывай. Янк. М., 121. 283. Добрае чуваць далёка, а благое яшчэ далей. Tyszk., 417. Вар.: Шпіл., 179; Fed., 87; Pietk., 365. 284. Без худа няма дабра. Дуб., 7. а) Без худа не відаць (не ўгледзіш) дабра. Нос., 5; Fed., 55. б) З худа дабра чакай. Ляцкий, 43. Вар.: Сержп., 55. 285. Няма таго злога, каб не вышла на добра. Fed., 357. а) Няма нічога ліхога, каб на добрае не вышла. Fed., 166. б) Няма такога зла, штоб з яго камусь не вышла дабра. Pietk., 400. Вар.: Fed., 166. в) Ліха без дабра не бывае. Рапан., 236. 286. Будзе добра, як ліха пераміне. Fed., 78.