СКВАПНАСЦЬ. СКУПАСЦЬ. МАРНАТРАЎСТВА. АШЧАДНАСЦЬ У сквапнага горла вяліка. Дуб., 65. У самога з горла тырчыць, ён яшчэ жадае. Сержп., 73. Хцівы і бога прадаў бы. Fed., 51. Вочы страхачэ, а рукі грабачэ. А. Русіновіч, 1954, Светл. 13.3.29. Сам з муху, а сквапнасць папоўская. Бяльк., 407, Хоц. Чым болей маем, тым хціўшыя бываем. Нос., Слов., 685. Рыба рыбаю жыве, а чалавек чалавекам. Fed., 267. Дзеля дарагатові і бацьку прадаць гатовы. Нос., 33. Хто многа хоча, той ніц не дастане. Fed., 47. а) Хто многа жадае, той нічога не мае. Fed., 362. Вар.: Pietk., 402. Есць, як у прорву, да больш жадае. Сержп., 73. Хоча крамнога ды й многа. Радч., 249. Не жаніся на вялікае, бо малое страціш. Fed., 329. Выгода ўсяго жадае. Fed., 343. Шчупак за плоткаю ганяўся, пакуль сам у нерат не папаўся. Мін.-Мал., 1970, 170, Уздз.