Часам трэба і праўды не казаць. Fed., 245. Слова давай, дык яго і трымай. С. Клачко, 1966, Б.-Каш. 13.3.29. Не даўшы слова — крапіся, а даўшы — дзяржыся. Ахрым., 43. а) Даўшы слова — крапіся, не даўшы — дзяржыся. А. Махнач, 1952, Уздз. 13.10.15. Будзь свайму слову гаспадзін. Ром., Зап., І, 215. Што сказаў, то й святое. Fed., 280. Не лжэш, калі праўду кажаш. Нос., 93. Што маніў, тое не казаў, што праўда. Ляцкий, 60. Што ступіць, то салжэць (залжэ). Нос., 189; Fed., 348. а) Ён не ступіць, каб не залгаў. Fed., 348. Не брахне, дык не дыхне. М. Мельнічэнка, 1950, Гом. 13.3.29. Каму няймецца, таму ўсягды лжэцца. Нос., 67. Вар.: Дуб., 32. У яго залгаць, як гарэх раскусіць. Fed., 348. Складна хлусіць, бы прышоў з палявання. Сержп., 128. Ілжэ, як бліны пячэ: толькі шыпіць. «Патрыёт» (Ушачы), 19 кастрычніка 1968 г. Не быў на той даліне, дзе праўду дзялілі. М. Бандарэнка, 1966, Маз. 13.3.29. Дарам падманьвае. Сержп., 129.