ДЗЕЦІ І ІХ ВЫХАВАННЕ Сваё дзіцятка міла. Сержп., 54. а) Каждаму сваё дзіця міла. Нос., 59. Вар.: Сержп., 53; Fed., 92. Сваё дзіцятка мілей сэрцу маткі. Ляцкий, 40. Дзіцятка хоць і крыва, ды бацьку з маткаю міла. Зах., 251. Чорт свае дзеці любіць і ад сябе не пушчае. Fed., 168. Савіныя дзеці самыя харашэйшыя. М. Грынблат, 1976, Лаг. «Чые дзеткі харашэйшыя?» — «Мае,— кажа сава.— І лупаценькія, і кашлаценькія». Янк. М., 31. Маленькая, ды даражэнькая. Янк. Н., 5. а) Хоць маленька, да дарагенька. Fed., 177. Вар.: Pietk., 378. У сваей маткі ўсе добрыя дзеткі. Fed., 180. Хата без дзяцей — магіла, а з дзяцьмі — базар. Янк. М., 125. Каторага пальца не ўрэж, то ўсё баліць. Fed., 213. а) Каторага пальца не ўрэж, то кажан баліць; будзь катораму дзіцяці кепска, то ўсё бацькам сэрца баліць. Fed., 92.