БУРЗОЛІЦЬ незак. Перабіраць лычам, выкідваць з карыта. Свіння не есць, а толькі бурзоліць. БУРСМОЛІЦЦА незак. Калупацца, выбіраючы лепшае (пра ежу). Паглядзі, бацька, як сынок твой не есць, а толькі бурсмоліцца. БУРСМОЛІЦЬ незак. Калупацца, выбіраць лепшае (пра ежу). Паглядзіце, як ён есць, не есць, а бурсмоліць. БУРУЗДА агульн. Буркун, бубнач, балбатун. Ну, з'явілася гэта бурузда, да раніцы буруздзіць будзе. БУРУЗДЗІЦЬ незак. Бурчаць, бубнець. Прыйшоў мой позна, п'яны зусім і стаў буруздзіць: і кашуля ў яго не белая, і скаромнага мала. Прыйшоў стары і давай буруздзіць: і тое не так, і гэта не гэтак. БУШНЕЦЬ незак. Паўнець, таўсцець. Манька з дня на дзень бушнее, ці ні нявольная яна? БУЯНІЦЬ незак. 1. Хутка расці. У агародзе ў іх усё буяніць. 2. перан. Набыць сілу. Старасць буяніць. БЯДА ж. □ І сплючы бяду прыспіш. БЯЛІЦЦА незак. Выбельвацца на сонцы (пра палатно). Сёлета ў Марыі пяць скутоў беліцца. В ВАДЗІЦА ж. ласк. Вада. Вадзіца-царыца, ачышчальніца наша, / Ачысці душу і цела наша (з замовы). ВАДЗІЦЬ незак. Шкодзіць, замінаць. Няхай ёй нішто не вадзіць. ВАДЗІЦЬ незак. ◊ ВАДЗІЦЬ ЗА НОС. Уводзіць у зман, ашукваць. Брыгадзір нас толькі за нос водзіць, кажа: «Рабіце, жанчынкі, дам пакосу». І сёння яшчэ дае. ВАЛАВОДЗІЦЦА незак. Заляцацца, сябраваць, не абяцаючы жаніцца. А ён толькі валаводзіцца. Хіба ён жаніцца думае? ВАЛАСЕНЬ м. Хвароба костачак пальцаў; валасень. У яго валасень на пальцы, хто гэта яго замаўляіць. ВАЛТУЗІЦЦА незак. Барукацца, змагацца, дужацца. Іду і бачу: хлопцы валтузяцца.