ЛЯСНЫ: ЛЯСНАЯ КРАСАЎКА. Сон-трава. Адвар лясной красаўкі іспользуюць калі прастуда, кашаль, лёхкія запаліліся. Можна і вочы праціраць адварам з гэтых кветачак. МАТАШНІК м. Падбел. Некалі заварвалі маташнік з мёдам і так лячылі бяркулёс. МЯЖАВІЦА ж. Травяністая расліна сямейства злакавых з доўгімі, тонкімі і жылістымі лістамі. Мяжавіца расце на грудках, цвіце светлым цветам. Яе лісткамі змазваюць балячкі. МЯТЛЯК м. Метлюжок. Ёсць такая трава – мятляк. Унізе лісточкі, потым сцябло, а на самай вярхушцы шышачкі, падобныя на мяцёлку. Яна лячнічая. ПАТТЫННІК м. Травяністая расліна сямейства макавых з жоўтымі кветкамі. Сарваць паттыннік і сокам памазаць барадаўкі, яны прападуць. ПЫР’Е н. Пырэй. Пыр’е заварваюць і п’юць, каб вывясці солі з арганізму. РАЗЕДА ж. Аднагадовая травяністая расліна. Кветкі разеды пацерці і прыкладаць да выпухлага месца. РАПЕЙ м. Тое, што і дзяткі. З рапею робяць мась і мажуць галаву, кап не было перхаці. СВІТАННІК м. Зверабой. У юлі збіраям і сушым гэты світаннік, а тады добра піць для жалудка. СКРЫПУН м. Тое, што і хвашчоўнік. Да скрыпуна як датронься, пацяры ў руках, дак ён скрыпіць. Свежым сокам мажуць раны, парэзы. СОНЦАВЫ: СОНЦАВА КВЕТКА. Тое, што і дзікая рабінка. Сонцавай кветкай называюць, бо вельмі ж падобная, яе цвяткі заварваюць і п’юць пры болях жывата. СТАРАДУПКА ж. Тое, што і аданіс. Адварам старадупкі нервы супакойваюць. СТВОЛЬНІК м. Меданосная расліна сямейства парасонавых. Кветкі ствольніка пахнуць мёдам. Іх сушаць і кідаюць у чай. СТРАГОН м. Палын. Страгон вельмі горкі. Яго заварваюць для апеціту і калі жывот баліць. СЦЯГУН м. Тое, што і баба, бапка. Называецца сцягун, бо як лістком прыкладзеш да раны, то быстра сцягваецца і загойваецца. ХВАШЧОЎНІК м. Хвошч палявы. Хвашчоўнік расце боляй на такіх сырых, мокрых месцах. Яго запарваюць і п’юць калі баляць ногі. ЧАБРЭЦ м. Чабор. Чабрэц расце ў сухіх сасновых лясах, пчолкі яго любяць, бо хораша пахня. Калі прастыняш, дак чай з яго гатуяш. ЧАПАЛОЦЬ ж. Тое, што і горкая трава. Чапалоць мае добры пах, яе запарваюць і п’юць у грып. ЧАРНОБЫЛЬНІК м. Палын горкі. Чарнобыльнік лічыцца проціглісным. Добра і старым піць, і дзецям. ЧОРТАВЫ: ЧОРТАВА БАРАДА. Травяністая расліна сямейства злакавых. Расце чортава барада на лузі ці дрэннай пашы, цвіце бледнымі жоўтымі кветкамі.