ПАЯЗД м. Павозка. Любіць Пракоп сытага каня і добры паязд, каб і ехаць шпарка, і выкіравацца спрытна (Тахвілін швагер, 70). От ён тады ў стальмашні і налажыўся гэблік у руках трымаць, з пілкаю ды з долатам як абыходзіцца, сёе-тое ў паяздзе паправіць мог (Нядоля Заблоцкіх, 273). ПЕЛЮСЬЦІ мн. Пелюшцы, папярочныя краі ночваў. У вялікіх ночвах пелюсьці раскалоліся. ПЕРША прысл. Раней, перад гэтым. Стаіць у яго таку тая самая, што перша, як адыходзіў у лес у грыбы, бачыў каля сваіх варот, сівая кабыла (Нядоля Заблоцкіх, 232). ПІРАКАЗ, м. Вестка ці запрашэнне, перададзенае праз каго-н. Переказу чакаў ухвалёны музыка; чакаў, калі прыйдуць з дому весткі (Нядоля Заблоцкіх, 231). ПІРАКОРНЫ прым. 1. Які робіць наперакор. Яська такі піракорны, ніколі ні ўгадаяш, што зробіць. 2. Зробленае ці сказанае наперакор. З чапялою ў руках распачала яна перакорную гаворку (Нядоля Заблоцкіх, 253). ПІРАКОРЫЦЬ незак. Рабіць ці гаварыць наперакор. Другі, здаецца, і не задзіра, а як нападзе яму горасць на язык, дык і давай прычапкі шукаць, каб сабе і другому кроў з носа спусціць, каб сварыцца, перакорыць (Ні госць ні гаспадар, 155). ПІРАЛАЖЫЦЦА зак. Набыць новыя прывычкі, навучыцца інакш рабіць, інакш весці сябе. Я дык ніяк ні магу піралажыцца: як у нас дома рабілі — гэтак і я. ПІРАТКАВАЦЬ незак. Старацца быць наперадзе, паказаць сябе. З яго сяброў перадкаваў у гурце Платон Ліняўскі (Ні госць ні гаспадар, 101). ПІРАТТОЧЧЯ н. Выбітая глінай пляцоўка ў гумне насупраць варот, ток. Абярнулі вос на піратточ'і, ціпер складаць будзям. Некалі на піратточ'і малацілі снапы цапамы. ПЛЯНТАВАЦЬ незак. 1. Раўнаваць няроўнасці на сенажаці ці пашы. Трэба Шэдзяўку і Лукі плянтаваць — куп'я многа, краты нарылі. 2. Вытоптваць, збіваць пасевы. Размінаюцца цяпер, на чыю ніву з'ехаўшы. Плянтуюць ад краю ячмяні, гарохі, градкі з картопляю (Ні госць ні гаспадар, 150). ПОВАЛАЧ м. Паблытаны на сцелішчы лён. Так многа повалачы, мусіць, коні пахадзілі.