шыні недзя гэтая карова прахадзіла, дык от і вбэнчыла так. 2. перан. Узлавацца. Сказалі ні па шэрсці, збэнчыло яго, усхадзіўся. ЗБЭРСАЦЬ зак. Зрабіць абы з рук, сапсаваць. Усё полё збэрсаў — як ён гараў, хто яго ведая. ЗВОДЫ мн. Нагаворы. От ходзіць толькі па сяле ды зводы зводзіць. ЗВЯРЭДЗІЦЦА зак. Надарвацца. Работа ні цяжкая была — ні вельмі ты звярэдзіўся. ЗДАЙНА прысл. Нагбом. Можаш і здайна напіцца, яшчэ яму кружку падавай! ЗНУХТАРЫЦЬ зак. Уведаць, дапільнаваць. Гэтакі ўсюды знухтарыць, усюды дападзе. ЗЫЗЫ мн. Стан крайняй абуранасці, злосці. Хібы ты мне на зызы не нарвешся; жыў ні буду, як я табе гэто дарую. ЗЯЛЕПУХА ж. Жаба. Але на жаб так амаль не кажуць. Затое калі хочуць назваць чалавека жабай, то часцей за ўсё абзываюць зялепухай. Які яна чалавек — зялепуха гэто, а ні чалавек. ІМПАТ м. Цяжкі дух, смурод. Такі імпат у нос даў, хоць ты з хаты ўцякай. КАЗЯК м. Любы, апрача баравіка, ядомы грыб. Пайду ў лес, то мо казякоў якіх назбіраю хоць, так грыбоў захацеласё, так захацеласё. КАНЧАР м. Кавалак. З'еў гэтакі канчар каўбасы! Такі канчар поля незасеяным застаўсё. КАШУТА ж. Перхаць. А кашуты ў цябе, хлопча, кашуты — твая маці цябе, мусіць, у год раз і то ні мыя! КВАС м. Мясная страва з дробна нарэзанай бульбы, з сушанымі грыбамі, цыбуляй і іншымі прыправамі. Квасок ні з трасок (прымаўка). З якім смакам я квасу сёня паеў. Мамо, ты часцей варыла б. Але, мусіць, грыбоў мало ўжэ засталосё? КЕЛБ, КОЎБ м. Невялічкая рачная рыбка. У гэтых келбаў надто ж мясо смашнаё — такоё далікатнаё, такаё белаё! КЕПЕЛЬ м. Загрывак, патыліца. Добры ў яе мужык быў. Яна нават біла яго. Як зазлуецца, натаўчэ, натаўчэ ў кепель, а ён нічого, усміхаяцца толькі. КЛЕВАЦЬ незак. Ледзь ліпець, быць хворым, слабым. Бацько наш ледзвя клевая, такі слабы, такі слабы! КЛЕШНЯ ж. Калашына. От закачвай клешні ды