Блінцы з грыбамі Напячы тонкіх мучных блінцоў. Адварыць сушаныя грыбы, парэзаць ці перакруціць на мясарэзцы з цыбуляй i пасаліць. На кожны блінец пакласці з лыжку грыбной сумесі, загарнуць i падсмажыць на алеі з цыбуляй. Скласці ў каструлю, дадаць смятаны i паставіць тушыць у духоўку або ў печ (в. Смаляніца Пружанскага р-на — Яроміч А. A.). Калдуны Нацерці на тарку бульбы, адціснуць яе на марлю, дадаць мукі, крухмалу, прыправіць соллю. Намачыць сушаныя грыбы, перакруціць на мясарэзцы. Змяшаць з мясным фаршам i перакручанай цыбуляй. Дадаць сырое яйка, спецыі. Узяць адціснуіую драную бульбу, распляскаць аладкаю i пакласці на яе начынку. Абгарнуць начынку бульбай, зляпіць шарам i пакласці ў кіпень. Калдуны варыць да гатоўнасці. Заправіць смажаным дробна парэзаным салам з цыбуляй i падаваць на стол (в. Даўгінава Вілейскага р-на — Варановіч А. Ю.). Катлеты з баравікоў ці з іншых грыбоў Перакруціць на мясарэзцы свініну i ялавічыну, прыправіць цыбуляй, кропным насеннем, каляндрай, лаўровым лісцем i соллю на смак. Каб лепш ляпіліся, дадаць крышку вады. Адварыўшы сушаныя баравікі, скруціць іх на мясарэзцы з цыбуляй i падсмажыць на сале. Адварыць i пакрышыць яйкі. Мяса, грыбную масу i пакрышаныя яйкі змяшаць. Зляпіць катлеты, абсмажыць на патэльні. Потым скласці ў чыгунок ці каструлю i паставіць тушыць у печ (в. Рухава Старадарожскага р-на — Русаковіч В. R). Сяканцы (баравіковыя катлеты) Сушаныя баравікі намачыць у вадзе на ноч; раніцай вымыць, змалоць на машынцы разам са свіным i ялавічным мясам (ці якое маецца), дадаць сырое яйка, здробненую цыбулю — 2-3 шт., кропавае зерне, часнок, соль (усё на смак). Вымешанае месіва раздзяліць на порцыі (па дзве лыжкі), аформіць в пляскатыя катлеткі, скласці ў чыгунок або каструлю (рондаль) i паставіць у печ або духоўку у "лёгкі дух". Падаваць на стол у абед, есці з хлебам (в. Ніжняя Тошчыца Быхаўскага р-на — Каўбасава Н. Ц.). Лісічкавыя катлеты Жывыя (свежыя) лісічкі перабраць, ачысціць ад шыгалля, памыць, змалоць на машынцы з мясам свіным ці ялавічным, дадаць сырое яйка, цыбулю, насенне кропу, часнок i соль (на смак). Добра перамяшаць месіва, раздзяліць на порцыі па 2-3 лыжкі, аформіць у выглядзе аладак, сасмажыць
2 👁