РАБАЦІННЕ н. Вястушкі. У яго ўвесь твар у рабацінні, відаць, ластавак пароў. Слабада. РАДЗІМЕЦ м. Хвароба эпілепсія. A ці не радзімец табе прываліў, чалавеча? Застадолле. РАДЗІНАРадня. Спачатку прыязджае жаніх да нявесты. Тут яго сустрачае ўся радзіна з румкамі на талерцы i ў хату ласкава запрашае. Хожава. РАДЗІНКА ж., зборн форма ацэнкі ад радзіна. Кукуіць зязюля ў садочку. Уся мая радзінка ў радочку. Прудок. РАДЗІХА ж. Парадзіха. Верка Халявінскага нарадзіла байстручка, а бабка падсаветавала — i яго задушылі. Але не дагадзілі нешта бабцы, яна й выявіла ўсё! Дык радзіху гэну судзілі ў Радашкавічах. Краснае. РАДОЎКА ж. Чарга. Радоўка нам заўтра за авечак. Бірулі. РАДЗЮГА ж. Дзяруга. Залез на печ, улёгся, пад галаву такіх-сякіх лахманоў наклаў i з галавою радзюгаю накрыўся. Трэці Гарадзец. РАДЗЮШКА ж. Кусок тканіны з грубых нітак. Вазьмі радзюшку i будзе на чым паляжаць, усё ж не на халоднай зямлі. Навагрудскі р-н. РАЖАНЕЦ м. Ружанец. Панадзявалі ражанцы на грудзі, каб ведаць, каторы польскі i не чапаць іх. Хожава. РАЗАЛКА ж. Сячкарня, прыстасаванне для драблення корму жывёле. Я раней шаснаццаць кароў даіла, ды йшчэ i корму загатовіць трэба было, насячы турнэпсу i ўсё рукамі. Цяпер ё на гэтае рэзалка. Рудня. РАЗАМ прысл. Ураз. Разам адабрала нагу. I што зрабілася, сама не ведаю. Хожава