Вочы на пару´ паставіць. Памерці. Ужо зраня яму зрабілася горай. Яна паляцела скорую вызываць, а што толку, пака хадзіла, вярнулася, а ён ужо вочы на пару паставіўшы. Косцевічы Астр. Вар. вочы (гочы) на пару (на парэ) паставіць. Вочы не свецяць у каго. У каго-н. кепскі зрок. Ціпер у міне ўжэ вочы ні сьвецяць, грыбоў ні бачу. Руда Яварская Дзятл. Таўкачка ляжыць на гумнішчы. У цябе што, вочы ні сьвецяць? Руда Яварская Дзятл. Вочы няма калі ўзняць. Зусім не хапае часу. У касьбу шмат работы, што вочы няма калі ўзьняць. Купіск Навагр. (ЖНС,107). Вочы пазычыўшы. Адчуваючы ніякаватасць, сорам. Гэта ж трэба такое зрабіць… Цяпер стаіш вочы пазычыўшы. Гуршчызна Іўеў. Вочы пазычыць. Набрацца нахабства. Гэта так зрабіць – трэба вочы пазычыць, а ёй нічога. Завідзіненты Астр. Ты што нарабіў, паганяц! Я ш на вёску з-за цібе ні выду! У каго я вочы пазычу на людзей глядзець! Стокі Свісл. Вочы паўмакалі каму. Хто-н. не бачыць, не заўважае чаго-н. А то ш навідочку ляжыць, а гэта сьляпэнда не бачыць. Што, табе вочы паўмакалі?! Куляны Пруж. Вочы паўстаўляць. Пільна ўгледзецца. Толькі Каця за сваім кавалерам на вуліцу выйшла, а бапкі ўжэ вочы паўстаўлялі і абгаворваюць. Зэльва Зэльв. Вочы прадраць. Гл. прадраць вочы. Вочы пралупіць. Гл. пралупіць вочы. Вочы праплакаць па кім. На працягу доўгага часу моцна перажываць за каго-н., не маючы пра яго звестак. Матка па ей вочы праплакала. Не знала, дзе дзелася. Чыжуны Воран. (БФ, 91). Вочы працерці. Прачнуцца. Тая вочы працерла і пабегла на работу і цягаецца галона да абеда. Кашалёва Навагр. Вочы разбягаюцца (разыходзяцца). Немагчыма засяродзіць свой позірк на нечым адным, зрабіць выбар з-за мноства і разнастайнасці прадметаў, рэчаў і пад. Пасля гэтаго даражаньня думала прыду ў магазін ды вочы будуць разьбягацца, а тут зноў нічого няма, голыя паліцы. Вольна Бар. А ў магазін сукняў навязьлі гэтулькі, што аж вочы разьбягаюцца. Радзюкі Навагр. На сталох закускі якой хочаш, аш вочы разьбягаюцца, а тагды, мае дзеткі, праўду кажу, с аднае талеркі елі, аднае чаркі пілі, некалькі ложак мелі. Нёўда Навагр. А ў магазіні што робіцца! Колькі там канапаў, крэслаў, аж вочы разьбягаюцца. Табала Гродз. Вочы разбягаюцца ад тавару, што прывезьлі ў лаўку. Купіск Навагр. (ЖНС, 107). Зайдзеш да магазіна – вочы разьбягаюцца. Лушчыкі Воран. Прыйдзеш на фэст, а там усяго, аж вочы разыходзяцца. Пасека Дварчаны Воран. Навытыкала ўсякіх модоў, вочы разбягаюцца. Квасевічы Івац. (ДСК, 140). Вочы сабачыя чые. Асудж. Хто-н. не мае сораму, сумлення. Што ты плешчаш, ці ш такоя было?! Вочы твае сабачыя! Падольцы Астр. Вочы салаўіныя ў каго. Хто-н. сонны, хоча спаць. Ідзі ўжэ ты кладавіся спаць, бо вочы салаўіныя. Чаго мучацца? Мацвееўцы Ваўк. Вочы свецяць. Хто-н. не страціў жаданне і сілы жыць, дзейнічаць. Чалавек жыве, што-та думая, на што-та надзеяцца. Ну і ўсяраўно, пакуль чалавек жыве, пакуль вочы сьвецяць, духам ні падаяш, тое думаяш яшчэ зрабіць і тое думаяш зрабіць. Астрына Шчуч. (ДМГ, 145). Але ш во пака вочы сьвецяць – жывеш. Восава Навагр. (ХБД, 206). Вочы туманіць. Гл. туманіць вочы. Вочы ў дол уставіць. Адчуваць няёмкасць, сорам. Як сказала ёй пра тое здарэньне, то і стаяла вочы ў дол уставіўшы. Любча Навагр. Гэтакая ўжо нідарэчнасьць вышла, цяпер хоць вочы ў дол устаў. Любча Навагр. Вочы ў жменю ўзяць. Уважліва прыгледзецца, каб убачыць, зразумець. Табе трэба вочы ў жменю ўзяць ды паўзірацца, хто каля цібе круціцца, якія таварышы ў цябе – адны п'яніцы. Шылавічы Сл. (СГВ