Закруціла (закру´ціць) пад хвастом у каго. Няўхв. Каму-н. вельмі моцна захацелася, зажадалася чаго-н. Гэта бывая часта! Закруціць пат хвастом у яго, і ўжэ будзя хадзіць сьледам, прасіць, кап купіла што. Стокі Свісл. За хвастом хадзіць. Няўхв. Следам, неадступна (хадзіць за кім-н.). Аччапіся ты ад міне, што ты ўсё за хвастом ходзіш! Пагранічны Бераст. Я да дзяўчат хачу пайсьці, а вы, малыя, усё за хвастом ходзіця, нікуды ні ўцячэш, бывало. Аш плачу, так надаясьце. Старына Маст. Ходзіш за хвастом, як дзіця малое. Мілявічы Маст. Малая наманула была хадзіць за хвастом, а я рас – крапівой яе, больш ні ідзе. Паўлаўшчына Ваўк. Круціць хвастом перад кім. Няўхв. Ліслівасцю, хітрыкамі дабівацца чыёй-н. прыхільнасці. Якая тут любоў, яна проста круціць хвастом прад табою, бо замуш хоча. Руда Яварская Дзятл. Накрыцца хвастом. Няўхв. 1. Знікнуць, звычайна ўчыніўшы што-н. Гэта ш прыляцеў, схапіў у маткі грошай і хвастом накрыўся. От і чакай ат такіх помачы. Заборцы Астр. Пазычыла суседу грошы, а ён хвастом накрыўся – і ў той бок не глядзіць. Малі Астр. (СПЗБ-5, 300). 2. Страціцца, перайсці ў карыстанне да каго-н. іншага. А што, я ні казала табе – ні давай ёй! То во, хвастом накрылася твая хустка. Ражкі Свісл. Накрылася хвастом твая цацка. І ні ўдобно назат забіраць. Нічого, купім другую. Левыя Масты Маст. 3. Прыкінуцца, зрабіць выгляд, што гэтага раней і не было, што хто-н. зусім не памятае што-н. Ты думаіш, што я ўжо такі на галаву слабы, ні помню, што даваў табе гэблік. Ні бойся, добра помню. А ты ўжо накрыўся хвастом, маўчыш. Думаіш, як мне, ды можна й ні аддаваць. Горшавічы Астр. Пад хвастом у казы. Іранічна-грубы адказ таму, хто просіць паказаць што-н. Ужываецца з абавязковым словам пакажы. – Што там купіў, пакажы? – Пакажы, пакажы... Пат хвастом у казы! Шчытай, што ўжэ паказоў. Бабіна Гродз. – Што ў жмені трымаяш? Пакажы. – Пат хвастом у казы. А вазьмі адгадай. Дубна Маст. – Што купіў, пакажы? – Пат хвастом у казы! За паказ грошы плацяць. Пеляса Воран. – Дзе газеты палажыла, што паштальёнка прынясла, пакажы? – Пад хвастом у казы. Нідзе я іх ні лажыла, сама шукай. Талькаўцы Ваўк. Хвастом малоць. Няўхв. Гаварыць абы-што. Яе сястра так ужэ хвастом меля, што ні поймяш, ці махлюя, ці праўду кажа. Дварчаны Шчуч. Вар. хвастом трэсці (малоць). Хвастом накрыцца. Гл. накрыцца хвастом. Хвастом трэсці. Няўхв. Гаварыць абы-што. Пыталася пра Максіма, дзе ён цяпер, ці ажаніўся, а яна мне нешто другоя барозьніць. Ёй дык абы хвастом трэсьці. Дварчаны Шчуч. Вар. хвастом трэсці (малоць). ХВАСТЫ. Як мышыныя хвасты косы. Маленькія і тоненькія (косы ў дзяўчыны). Адрэш ты гэтыя свае косы, што зь іх, калі яны як мышыныя хвасты. Бабіна Гродз. (ЗНФ, 90). Вар. як мышыныя хвасты (хвосцікі). ХВАСЦЕ. Завінула (завіне) у хвасце каму. Няўхв. Каму-н. раптоўна захацелася, уздумалася рабіць што-н. Яму завінуло ў хвасьце, і пашоў на рыбу, а ты тут душыся адна. Воўпа Ваўк. Гэтуй Марысі як завіне ў хвасьце, та яна зробіць што хочаш. Дарагляны Маст. Вар. завінула (закруціла, завіне, закруціць) у хвасце. Закруціла (закруціць) у хвасце каму. Няўхв. Каму-н. раптоўна захацелася, уздумалася рабіць што-н. Ой! Нашай Іры ні ўгадаяш: раз – добра, а другі – як закруціць у хвасьце. Сурынка Сл. Вар. завінула (закруціла, завіне, закруціць) у хвасце. У хвасце плесціся. У ліку апошніх. Даганяй скарэй, а то пляцеся ў хвасьце. Вераб'і Астр. Такая марудніца, усе бабы паканчаюць садзіць барозны, а яна пляцецца ў хвасьце, каню прыходзіцца чакаць, каб разгараць нову баразну. Бабіна Гродз. ХВАТКА. Мёртвая хватка. Ухв. Здольнасць настойліва дабівацца свайго. У Каці ўсё атрымаецца, зь яе мёртвай хваткай яна чаго хочаш даб'ецца. Суботнікі Іўеў