Добра адно, што лета было цёпла. Пакуль зрабілі зямлянкі, так і жылі пад богаваю страхой. Спуша Шчуч. Згарэла наша хата, засталіся мы пад богаваю страхою. Ваўкавічы Навагр. СТРАХОЮ. Пад адною страхою жыць. Разам, сумесна. Мы з вятроўкаю пад адною страхою пяць гадочкаў жылі. Руда Яварская Дзятл. СТРОМ. На стром галавы (галоў) бегчы, ляцець і пад. Вельмі хутка, імкліва, стрымгалоў. Уцякаў ат сабак на стром галавы. Займішча Маст. Рынуўся на стром галавы дахаты. Ісаевічы Сл. Хлопцы ўбачылі, што с хаты валіць дым і пабеглі на стром галоў па вёдра. Новы Двор Свісл. Куды ляціш на стром галоў? Струга Маст. Вар. на стром галавы (галоў); стрым галоў. СТРОЧКУ. Не ў строчку сказаць, адказаць і пад. Няўхв. Неўпапад, недарэчы, не да месца. Сьціхні, гаворыш ні ў строчку. Старына Маст. Гэты камандзір нешто камандуя, алі ўсё ні ў строчку. Гудзевічы Маст. Гаворыць, але ўсё ні ў строчку. Новы Двор Свісл. Ну ты ўжэ ні ў строчку ляпаяш языком абы ляпаць, не, кап падумаць добра. Зенявічы Навагр. Ну што ты ляпаяш ні ў строчку, няўжэ цяшка памаўчаць! Зэльва Зэльв. Што ты тут гаворыш не ў строчку, аткуль ты ўзяў гэтую ерунду? Пеляса Воран. СТРУП. Свой струп засвярбіць (засвярбеў) у каго. Каму-н. прыйдзецца непасрэдна самому сутыкнуцца з жыццёвымі клопатамі, адчуць жыццёвыя цяжкасці. Пачакай, пачакай трохі. Во свой струп засьвярбіць, тады заварушысься, забегаяш. Бердаўка Навагр. (ЗНФ, 65). Нічога, навучыцца і яна рабіць, як свой струп засьвярбіць. Талмінава Ашм. (ЗНФ, 65). Паразумнеяш і ты, а ціпер яшчэ ні засьвярбеў свой струп. Грыцкавічы Зэльв. (ЗНФ, 65). Струп прыціснуўшы сядзець. Вельмі ціха, бясшумна ці спалохана. Гляньце ш, як ён прэнтка хвост падняў, а то сядзеў струп прыціснуўшы. Бастуны Воран. СТРУПАМ. Адным струпам па галаве крыць каго. Даваць каму-н. адмоўную ацэнку аднолькава, агулам, без разбору. Што ты ўсіх адным струпам па галаве крыяш? Усе ў цібе кепскія, ніхарошыя. Вішнеўка Бераст. СТРЫЖАНЫ. Ні стрыжаны ні голены. Асудж. Вельмі бедны, нічога не мае. Ні хоча рабіць – гульт. Тыко спаць і смачно есьць, а сам ні стрыжаны ні голяны. Лунна Маст. СТРЫІ. У першай стрыі. Дваюрадныя. Яны сёстры ў першай стрыі. Мсцібава Ваўк. (СПЗБ-4, 608). Вар. у першай стрэчы (устрэчы, стрыі). СТРЫКАЧА. Даць стрыкача. Вельмі хутка ўцякаць. Эх ты!.. Як так, то герой, а як прыйшлося, то даў стрыкача. Масаляны Бераст. Вар. даць стракача (стрыкача). СТРЫМ. Стрым галоў бегчы, ляцець і пад. Вельмі хутка, імкліва, стрымгалоў. Сядзела-сядзела, а цяпер прэцца стрым галоў. Орлі Шчуч. Вар. на стром галавы (галоў); стрым галоў. СТРЫМБУЛЬ. У стрымбуль пайшоў. 1. Тонкі і не па гадах высокі. Ваш Толік у стрымбуль пашоў, ужэ міне пярарос. Вердамічы Свісл. (ЗНФ, 73). Яны хоць і аднаготкі, але адзін некі недаростак, а гэты пашоў у стрымбуль. Баброўнікі Гродз. 2. Іран. Стары халасцяк; той, хто і не думае пра жаніцьбу. Ні ажэніця вы яго, нават і ні думайця. Ён ужэ ў стрымбуль пашоў. Бершты Шчуч. (ЗНФ, 73). Абодва – і Ваня, і Міша – у стрымбуль пашлі, ім ужэ за трыццаць. Нача Вор. (ЗНФ, 73). СТРЭЛКУ. На стрэлку пайсці, паляцець і пад. Іран. На спатканне. Не пасьпела й прыцямнець, а яна ўжэ на стрэлку паляцела. Закальное Любан. СТРЭЛЬБА. Стрэльба стрэленая. Вельмі вопытны, спрактыкаваны хто-н. Сьцяражыся, дачушка, яго, гэта стрэльба ўжо стрэляна, ні да цібе першай вяжацца. Малькавічы Маст. СТРЭЛЬБУ. Хоць у стрэльбу закладай. Жарт. Вельмі дробныя. Пра яблыкі, бульбу і пад. У гэтым годзе яблыкі хоць у стрэльбу закладай. Скробава Бар