Чэрв. Дарыць цётка родна, у Бога годна, велькім кавалкам, каб здарова знасіла! Проша прыняці і падзенькаваці! Парэчча Гродз. Шклянога бога ўгледзець. Іран. Выпіць, напіцца спіртнога. Напіўсё, шклянога бога ўгледзеў, і што ш ты зробіш. Краскоўскія Горы Навагр. Як у Бога за пазухай. 1. жыць і пад. Вельмі добра, без турбот і клопатаў. Пражыў век як у Бога за пазухай. Зенявічы Навагр. Ёй пры мацяры жывецца як у Бога за пазухай. Дзянісава Дзятл. Жыве як у Бога за пазухай. Верцялішкі Гродз. Прыехала да бацькоў і зажыла як у Бога за пазухаю. Азярніца Сл. Жыве як у Бога за пазухай. Караневічы Гродз. (СНМ-1, 182). 2. Вельмі ўтульна. Прымасьціўся як у Бога за пазухай. Гезгалы Дзятл. 3. схаваць. Вельмі надзейна, у надзейным месцы. Грошы былі схаваны як у Бога за пазухай. Малыя Азёркі Маст. Як у Бога за печкай жыць. Вельмі добра, прывольна і бесклапотна. І што ёй толькі трэба? Жыве ў бацькоў як у Бога за печкай, а ўсё носам круціць. Швабы Ашм. (ЗНФ, 94). Кап паслухала міне, то жыла п як у Бога за печкай. Альхоўка Навагр. (ЗНФ, 94). Як у Бога за плячыма жыць. Вельмі добра, бестурботна, забяспечана. Чаго ўжо яму жаліцца, машына, хата, грошы. Жыве як у Бога за плячыма. Кусянцы Свісл. Як пашла за Фядося, дык жыве як у Бога за плячыма. Баброўнікі Гродз. Сусет Метака жыве як у Бога за плячыма, на ўсім гатовым. Правыя Масты Маст. Жыве як у Бога за плячыма. Вішнявец Гродз. (СНМ-1, 182). Як у Бога ў вусе жыць, быць, знаходзіцца і пад. Вельмі добра, прывольна, у поўнай бяспецы. Яна пражыла на тым хутары як у Бога ў вусе: ціха, спакойна. Ніхто цібе ні зачэпіць. Шчорсы Навагр. Як у Бога цялё ўкраўшы стаяць. Насмеш. Вінавата, разгублена, з адчуваннем няёмкасці. Пасьмейваліся с такога кавалера – прыдзя на вечарынку і стаіць як у Бога цялё ўкраўшы. Слесары Іўеў. БОГАМ. Богам папушчаны. Абмежаваны, невялікага розуму. Дзяцька Антон і Богам папушчаны, і людзьмі сьцюканы. Гейстуны Ашм. (СГВ, 471). З Богам. Выкл. Шчасліва (ісці, ехаць і інш.). Як тулькі выпілі гарэлку, та тато, доўго ні чакаючы, дастаў грошы, заплаціў і кажа: «Едзьце з Богам». Свіслач Гродз. (СНМ-2, 82). Хоць што-кольвек даў бы гэтаму чалавеку, хай ішоў бы сабе з Богам. Шчачынова Гродз. (СНМ-2, 269). Сабрала яго хатулі – і ідзі з Богам! Малі Астр. (СПЗБ-5, 291). З Богам дагавор падпісаць. Гумар. Памерці. Мне ўжэ дзівяты дзісятак, а шчэ з Богам дагавору ні патпісала. Рамашкі Шчуч. Ні дачакаўса яго дзет, патпісаў з Богам дагавор. Алекшыцы Бераст. З Богам на ты. Прабіўны, даходны, разваротлівы, настырны. Кап жыць, трэба хітрэйшым быць, во Валючыха, яна і з Богам на ты. Ашмяны Ашм. З Богам Параска дарога як ляска. Выкл. Часта іран. Пажаданне шчаслівай дарогі. Ну што ш, паедзем. Як кажуць, з Богам Параска. Алекшыцы Бераст. Пара ўжэ табе ісьці, а то позна будзя. З Богам Параска дарога як ляска. Хрустава Свісл. З Богам Параска дарога як ляска. Радзевічы Гродз. (СНМ, 183). Ну добра, добра... Я цібе паняў. Пара ўжо табе йсьці, бо на аўтобус ні ўсьпеіш. З Богам Параска!.. Косцевічы Астр. З Богам Параска калі людзі ўдаюцца. Выкл. Часта іран. Пажаданне шчаслівай дарогі, шчаслівага пачатку якой-н. справы. 3 Богам Параска калі людзі ўдаюцца. Зарубічы Гродз. (СНМ-1, 183). З шкляным богам пабачыцца. Іран. Выпіць, напіцца спіртнога. Не паспеў з шкляным богам пабачыцца. Рось Ваўк. (БФ, 62). Пад Богам. Пад уладай, пад апекай вышэйшай, наднатуральнай сілы. Дзетачке мае, а ці вы ў Бога верыце? Усе мы пад Богам: і мы, і вы. Белічаны Гродз. – Беражы сібе, сынок, ні лесь, дзе ні трэба. – Мы, мама, усе пад Богам ходзім. Малькавічы Маст