САВІЧАХ. У Савічах большыя родзяцца як ты ёсць. Скеп. Малога росту. Пра чалавека. Маўчы ўжэ! Вунака ў Савічах большыя родзяцца як ты ёсьць і то так многа ні брэшуць. Першамайск Шчуч. ● Савічы – назва вёскі ў Шчучынскім раёне. САГАНЕ. Як у сагане. Парыць, ахоплівае спякотай. Пра гарача-вільготнае надвор'е. Зграбаймо сено, бо стало як у сагане, відаць, скоро будзя велька навальніца. Ашмянцы Шчуч. Вар. як у гаршку (у сагане). САД. Як сад на пагодзе жыць. Вельмі добра, у росквіце. Нехта жывець як сад на пагодзе, а некаму ні шэньціць. Косцевічы Астр. САДЛА. Садла завязаць. Гумар. Адпачыць, паляжаць пасля прыёму ежы. От смачна паеў, тэраз пайду садла завяжу. Дайнава Воран. Вар. сала (садла, сальцэ) завязаць. САДОМА. Садома і гамора. Крайняе бязладдзе, поўная неразбярыха, сумятня. Што там тварыласо – расказаць цяжка: садома і гамора, малыя і старыя беглі, лямантавалі, усё гарэло. Занявічы Гродз. (СНМ-2, 203). Садома яго мора. Крык, шум, бязладдзе. Мае мама і тата булі супраць нажычонага, таму як ён часам любіў зазірнуць у чарку, а потым садома яго мора на ўсю нашую вёску. Пагарэлка Карэл. А ён любіў пабуяніць, дзе садома яго мора, там заўсёды і ён. Студзенікі Свісл. САЖА. Як сажа бяла дзяла. Кепскія (справы). Дзяла ў мяне, унучак, як сажа бяла. Старынцы Бераст. САКЕРА. Як сакера плаваць. Іран. Вельмі дрэнна. Толькі вы, людзі, знайця, што плаваю я як сакера, таму ў воду лесьця самыя, безь міне. Бабіна Гродз. Вар. як сякера (сакера). САКЕРКУ. Знайшоў (нашоў) сакерку за лаўкай. Выкл. Іран. Выказванне іранічных адносін да каго-н., яго дзеянняў, слоў. Знайшоў сакерку за лаўкай. Пагараны Гродз. (СНМ-2, 204). – Мам, а я сушаныя грушы на печы нашоў, а ты ні знала! – Ага, нашоў сакерку за лаўкаю, я сама іх там палажыла. Стокі Свісл. Вар. знайшоў (нашоў) сякеру (сякерку, сакерку) за (пад) лаўкай. Хоць сакерку на нос вешай. Няўхв. Дзе-н. спёртае паветра, няма чым дыхаць. Хоць сакерку на нос вешай. Кунцаўшчына Гродз. (СНМ, 195). САКЕРУ. Сакеру можна вешаць. Няўхв. Дзе-н. спёртае паветра, няма чым дыхаць. У хату ня зайсці, як бздзюха пабудзя: сакеру можна вешаць. Купіск Навагр. (СНМы, 170). Хоць сакеру вешай. Няўхв. Дзе-н. спёртае паветра, няма чым дыхаць. Ну і накурылі мужчыны ў хаці, хоць сакеру вешай. Кавалічы Гродз. (СНМ-2, 250). Вар. хоць сякеру (сакеру) вешай. САКЕРЫ. З-пад сакеры. Зроблены груба, неакуратна. Раней швэдар быў як швэдар, акуратна рабілі, а ціпер з-пад сакеры. Руда Яварская Дзятл. Вар. з-пад сякеры (з-пад сакеры). САКОЛ. Гол як сакол. Вельмі бедны, нічога не мае. Уваходзіў у хату ён гол як сакол. Хілякі Бераст. Дочку за Міхала ні атдалі, бо ён быў гол як сакол. Салтанішкі Воран. Ён і пасах мне добры даў: карову сь целям, авец, дабра ўсякага. Фэля ж мой гол як сакол быў. Гнезна Ваўк. (ДМГ, 18). Ціпер дзеці-выгоднікі. І матоцыкі, і машыны бацькі паспраўляўшы. А я так і жаніцца ніяк не мог, бо быў гол як сакол. Заборцы Астр. Сам гол як сакол і жонку такую саму знайшоў. Старына Маст. САКОЛЯ. Як Саколя з Марцісяю. Зусім розныя, не пара адно другому. Ну й Ясюк і выбраў жоначку, ходзяць як Саколя з Марцісяю. Заборцы Астр. САЛА. Несалёнае сала. Асудж. Няўдзячны чалавек, які незаслужана робіць каму-н. непрыемнасці. Скажу табе ў вочы, што рас ты так зрабіў, то нясалёнаё ты сало! Кайшоўка Карэл. (ЗНФ, 51). Падумаць только, што нагаварыў на міне Антон, гэто нясалёнаё сало! Русацін Карэл. (ЗНФ