елкае, а пракапцілі едлаўцом, за малінку з'елі. Альшаніца Івац. (ДСК, 77). Вар. за маліну (за малінку). Што малінку з'есці, глынуць і пад. З вялікай асалодай, з прыемнасцю. Ішоў я ішоў, аш бачу квас прадаецца, і, ведаеш, так піць захацелася – першы выпіў, што малінку глыкнуў. Дамейкі Лід. МАЛІНУ. За маліну з'есці і пад. Са смакам, з прыемнасцю. Выгаладаліса за дзень у лесі, та ўсё, што паставіла, за маліну йзелі. Бабіна Гродз. Вар. за маліну (за малінку). Перабіць маліну. Перашкодзіць ажыццявіць што-н. За сёньня ўсё сено ўоралі п, аля гэты дошч перабіў маліну. Бабіна Гродз. Усю маліну сапсаваць. Зрабіць учынак, які кепска адбіваецца на якой-н. справе. Я збіраўся ехаць летам у Крым, дзед захварэў і мне ўсю маліну сапсаваў. Юрацішкі Іўеў. МАЛОГА. Ад малога да вялікага. Абсалютна ўсе без выключэння, незалежна ад узросту. Немцы пазганялі ўсіх, ад малога да вялікага. Казакоўцы Маст. З малога. З маленства, з дзяцінства. Нас мама да працы з малога прывучала. Працавалі да цямна. Рыча Шчуч. (ДМГ, 51). Вучыла маці ўсё рабіць з малого, кап пасьля ўсё ўмелі. Казловічы Зэльв. МАЛЫ. І малы і стары. Усе без выключэння, незалежна ад узросту. Анагдай да касьцёлу на Вяльканац ішлі ўсе – і малы і стары. Заборцы Астр. МАЛЫЯ. Малыя і старыя. Усе без выключэння, незалежна ад узросту. У пакоі ў нас ходзяць у фуртах, малыя і старыя маюць свае фурты. Навасёлкі Шчуч. (СГВ, 522). МАЛЯНКОСЦІ. З (ад) малянкосці. Ад нараджэння, з самага маленства. У яго гэта хвароба з малянкосьці, яшчэ хадзіць ні ўмеў, як па дахтарах вазілі. Бабіна Гродз. Лілька з малянкосьці спрытна да работы. Марцянаўцы Ваўк. З малянкосьці такі вырадак расьце, нікога ні слухаяцца. Купры Шчуч. Ля, так дзіця запусьціць з малінкосьці. Мсцібава Ваўк. (МСГВ, 180). Дзяцька цьвічыць свайго хлопца, кап ня цьвічыў з малянкосці, тай вырас бы распустам, а так хлопец як мае быць. Міклашы Дзятл. (СГВ, 535). Яна з малянкосьці хварэла, яе лячылі. Кіралі Шчуч. Ад малянкосьці я хварэла. Паляцкішкі Воран. У малянкосці. У часы маленства. Яшчэ ў малянкосьці, як я маленька была, маці памерла. Альхоўцы Лях. (СПЗБ-3, 28). МАМА. Смаляная мама. Іран. Высокая і мажная жанчына. Марыся як церас рэку ідзе, то клатка ўгінаяцца, от жэ ш смаляная мама. Поразава Свісл. МАНЕЖЫ. Як у манежы круціцца. У пастаянных занятках, клопатах. Бывало, як прыдзя лето, та дзень і ноч круцісса як у манежы. Вараны Бераст. (ЗНФ, 96). Ай, яна вечня круціцца як у манежы, за гэтымі малымі німа калі й прысесьці. Ліпнікі Шчуч. (ЗНФ, 96). Ты лынды б'еш цэлы дзень, а жонка круціцца як у манежы. Баброўнікі Гродз. (ЗНФ, 96). Вар. як у манежы (у маняжы). ● Манеж – конны прывод, які рухае малатарню, сячкарню, ваўначоску і пад. МАНЕТУ. У манету абысціся. Дорага. Усё, што вы бачыце ў маёй хаці, усё мне абышлося ў манету. Дарагляны Маст. МАНКА. Манка з неба падае каму. Каму-н. вельмі лёгка, як бы самі сабой дастаюцца сродкі для пражыцця. Як ні круці, а манка з неба падаць не будзе – працаваць трэба. Масушыны Свісл. МАНЬКА. Як Манька з батонамі. Асудж. Нязграбны, няўклюдны, няўмелы. Нічога ні даверыш табе, усё з рук валіцца. Як Манька з батонамі. Лежневічы Іўеў. МАНЯ. Маня з батонамі. Няўхв. Нязграбная, няўмелая, разяватая жанчына. Аля й Маня з батонамі, што ў рукі ня возьмяш, усё валіцца. Пеляса Воран. Як Маня з гаргазу гаварыць, разгаварыцца і пад. Іран. Залішне, безупынна. Ну й разгаварылася як Маня з гаргазу. Палушы Астр