адчытаць каго-н., насварыцца на каго-н. Ну я яму сёньня мазгі ўставіла, а то надаеў ужо са сваім курывам, у хаці надыміў хоць сякеру вешай. Зенявічы Навагр. Малы ты яшчэ мне мазгі ўстаўляць, падрасьці трохо, тады вучыць міне будзяш! Старына Маст. Мазгі хрушчы выелі каму. Груб. Хто-н. неразумны, бесталковы, з дзівацтвамі. Ты што агонь каля хлява распаліў?! Табе што, мазге хрушчэ выялі?! Адэльск Гродз. Мазгі яшчэ не адсохлі (не высахлі) у каго. 1. Хто-н. дзейнічае разумна, абачліва, без глупства. Хіба я магла такоя зрабіць? У мяне яшчэ мазгі ні атсохлі. Косцевічы Астр. Мазгі яшчэ ні высахлі, думаю, што раблю. Гудзевічы Маст. 2. Хто-н. помніць, не забыўся пра што-н. Думаяш, я забыласа, што яна вычаўпляла, як дзеўкай была!.. Помню, мазгі ў міне яшчэ ні атсохлі. Бабіна Гродз. Мазоліць мазгі каму. Няўхв. Дакучаць, назаляць размовамі, пытаннямі і пад. Хваціць мне мазоліць мазгі! Нічого я ні знаю. Ідзі во лепяй да Мані, яна табе ўсё раскажа. Купіск Навагр. Мне й так работы хватая, а ты яшчэ мне мазгі мазоліш са сваёй задачай. Уселюб Навагр. Слабы на мазгі. Няўхв. Які вызначаецца невялікімі разумовымі здольнасцямі. Ён слабы на мазге. Куклі Воран. (МСГВ, 275). Стрэліць у мазгі каму. Раптоўна з'явіцца ў свядомасці. Адразу дык нічога ні помніш, а тады як ужо не трэба, дык як стрэліць у мазгі, але ўжо позна. Наркуны Воран. Тут як стрэліць мне ў мазгі, што хату ні закрыла. Апонаўцы Воран. Сушыць мазгі. 1. Напружана думаць, імкнучыся рашыць што-н. складанае. Што ты сушыш мазгі, адкрыла п кнігу ды сьпісала б атказ. Мышацішкі Смарг. Ні хачу я мазге над гэтым сушыць. Белева Гродз. (СНМ-2, 129). 2. Знясільваць сябе разумовай працай. Дзевяць гот сушыў мазгі ў школе, а толку ніякага няма. Пагранічны Бераст. Уесціся ў мазгі каму. Моцна запомніўшыся, увесь час хваляваць, турбаваць, непакоіць каго-н. Вось ужо ўелася песьня ў мазгі, ніяк ні аткараскаяся. Ваўчуны Сл. Уелася ў мазгі табе гэта ярунда, толькі й думаяш пра яе. Прудцы Шчуч. МАЗГОЎ. Заварот мазгоў у каго. Няўхв. Хто-н. паводзіць сябе неразумна. Ні глядзі на яго, у яго калі-нікалі заварот мазгоў бывая. Алекшыцы Бераст. Мазгоў што ў курыцы ў каго. Зневаж. Хто-н. неразумны, бесталковы. У яго мазгоў што ў курыцы. Верцялішкі Гродз. МАЙ. Як май змаяваў (зма´яў) каго, што. Хто-н. бясследна знік, што-н. раптоўна, бясследна прапала, знікла. Помню, што во тут лажыла хустку, і ні магу знайсьці, як май змаяваў. Косцевічы Астр. Дзе ш тыя часы дзеліся? Здэцца, во ш тут паклаў – і німа, як май змаяў. Гнесічы Навагр. МАЙКА. Як майка з плоту прапасці, знікнуць. Невядома куды, бясследна. Ты ні бачыў, дзе ключ ад кладоўкі? Прапаў як майка с плоту. Яманты Лід. МАЙСТАР. Майстар-клепка. Няўхв. Чалавек, які выконвае працу няўмела, абы-як. Ну й майстар-клепка!.. Рукі паадбіваць за такую работу! Лагады Шчуч. Майстар-піпка ззаду скрыпка. Няўхв. Чалавек, які выконвае працу няўмела, абы-як. Пастроіў ён мне матацыкал... Пааткручваў усё, параскідаў, а ціпер разбярыса дзе што! Майстар-піпка! Бабіна Гродз. Аля й тапарыско зрабіў: крывоё, як вяроўка. Майстар-піпка ззаду скрыпка. Праўду прыкаска кажа: габлюй, сынок, прыдзя бацько, сакерай паправіць. Бабіна Гродз. МАК. Закалаціць мак зялёны. Моцна крычаць, сварыцца. Ні руш ты яе кніх, бо зара закалоціць мак зялёны. Дзянісава Дзятл. Затрэсці ў зялёны мак каго. Няўхв. Замучыць нападкамі, лаянкай, сваркай. Такая сварка дома была – ні расказаць. Думаў, жонка затрасе ў зялёны мак. Пячоўшчына Валож. Зялёны мак трэсці на каго. Няўхв. 1. Моцна сварыцца, гневацца, лаяцца, клясці каго-н. Ні ідзі ціпер дахаты, бацька там зялёны мак трасе, гразіцца, думая, што гэта