Галава трашчыць у каго. Хто-н. траціць здольнасць нармальна, спакойна разважаць (ад мноства спраў, клопатаў, перажыванняў і пад.). У міне ўжэ галава трашчыць ат усяго гэтага, сама ні знаю, што мне ціпер рабіць і дзе мне пайсьці. Васілевічы Гродз. У міне столькі работы назбіралася, што галава трашчыць. Муравана Бераст. У мяне ўжо галава трашчыць ат гэтай работы. Граўжышкі Ашм. Так многа ў мяне заўжды работы, што аж галава трашчыць. Малыя Эйсманты Бераст. (СГВ, 584). Галава хамута просіць у каго. Хто-н. падрос, пасталеў, гатовы да сапраўднай фізічнай працы. Юзік Галькоў чысто булаваты які: у яго галава хамута просіць, а розуму ні на грош. Жомайдзі Лід. (СРЛГ, 18). Галава цялячая. Няўхв. Нездагадлівы, няўважлівы, рассеяны чалавек. От галава цяляча! І як гэта я забыўса, што сёньня сабраня. Агрызкі Маст. Галава як сявенька ў каго. Хто-н. хутка забывае што-н., у каго-н. доўга не трымаецца ў памяці што-н. У мяне сёньня галава як сявенка, усё забываюса. Марцінаўцы Маст. У цябе галава як сявенька, ні помніш нават дзе што кладзеш. Касцяні Сл. Як ён пойдзе ў школу? У яго галава як сявенька, усё адразу забывае. Марачы Зэльв. Галава як цэбар у каго. 1. Хто-н. адчувае галавакружэнне (ад стомленасці і пад.). Сёньня я вельмі стамілася. У мяне галава як цэбар. Масты Маст. 2. Хто-н. траціць здольнасць нармальна, спакойна разважаць (ад мноства спраў, перажыванняў і пад.). У мяне сёня галава, як цэбар, ні знаю, што рабіць. Забагонне Зэльв. Ат усялякіх мысляў у міне дзісь галава як цэбар. Шашкі Воран. Галава як шаснастка ў каго. Хто-н. адчувае галавакружэнне (ад стомленасці, хваробы і пад.). Нешта я захварэла, галава як шаснастка. Ёдзічы Бераст. ● Шаснастка – пасудзіна, зробленая з драўляных клёпак з адной ручкай для вымярэння збожжа, бульбы і пад. (змяшчала або тры, або паўтара пуда). Завярні-галава. Няўхв. Легкадумны, несур'ёзны, бесталковы чалавек. А ён некі завярні-галава: сёдня – адно, узоўтра – другоё. Бабіна Гродз. Твая Соня завярні-галава, вядома ж маладосьць яшчэ. Бабіна Гродз. (СГВ, 589). Куды ты прэся, завярні-галава! Ні бачыш, што тут лужа! Ігнаткаўцы Лід. Занясі-галава. Чалавек, які не сядзіць на адным месцы, бадзяецца па свеце, часта мяняе месца жыхарства. Гэты занясі-галава дзе толькі не пабываў, цяпер, кажуць, недзе аж у Іркуцку. Апіта Іўеў. Вар. занясі (знясі)-галава. Звярні-галава. Вельмі хуткі, энергічны, рухавы чалавек. Што за дзіця – зьвярні галава, ані мінуткі ні пасядзіць спакойно. Монькавічы Маст. Ззарві-галава. Няўхв. Свавольнік, гарэза, залішне актыўны чалавек. Гэто ні хлопяц, а некі ззарві-галава, усюды яго поўно, усюды ўлезя. Свіслач Гродз. (СНМ, 60). Вар. сарві (ззарві)-галава. Зламі-галава. Залішне вёрткі, спрытны, жвавы чалавек. Ну, гэты Клімянок – зламі- галава, а не дзіця, як алектравенік. Вішнева Смарг. Глядзі, зламі-галава! Лётаяш на гэтум матацыклі... Да дабра гэта ні давядзе, а мацяры гора будзя. Вензавец Дзятл. Ні Ігар, а зламі-галава. Малая Бераставіца Бераст. Знясі-галава. Чалавек, які не сядзіць на адным месцы, бадзяецца па свеце, часта мяняе месца жыхарства. Гэта ж ён жыве недзе далёка ад Іўя, зьнясі галава. Іўе Іўеў. Вар. занясі (знясі)-галава. Каму галава каму нага. 1. Неаднолькава, нераўнамерна (падзяліць, атрымаць). Ат тых заку´паў папала каму галава каму нага, аля ш шчытаяцца падаркі. Падазёркі Гродз. Падзялілі зямлю так, што каму галава каму нага. Востухава Карэл. 2. Абы-як, неакуратна, збольшага (зрабіць што-н.). На такія купіны жураўлінаў надышла! А нідалёко людзі галасуюць, таксамо ягадаў шукаюць. Та я натто сьпяшаласа, пазьбірала каму галава каму нага. Бабіна Гродз. Не старайся так, падбяры сучкі збольшага, каму галава каму