ВЯРОЎКІ. Віць вяроўкі. Няўхв. Хлусіць, выдумваць што-н. А яны й ні дагадваюцца, што я ўю вяроўкі. Цырын Карэл. (ЗНФ, 22). Нашлі каго слухаць! Ён вам уе вяроўкі, а вы вушы разьвесілі, думаяця, што й праўда. Мілявічы Маст. (ЗНФ, 22). Калі ні запытаяш у сына, дзе ён шляяцца, так заўсёды вяроўкі ўе. Нізяны Ваўк. (ЗНФ, 22). Вяроўкі віць з каго. Поўнасцю падпарадкаваць сабе каго-н., рабіць, што хочацца з кім-н. Яна зь яго вяроўкі ўе. Воля-Крупіцы Маст. Знашоў сабе хамут на шыю, будзя яна зь яго вяроўкі віць. Бабіна Гродз. Гэдык мой сусед папусціўся, што жонка вяроўкі з яго ўе. Быч Івац. (ДСК, 171). Як з вяроўкі ліць і пад. Вельмі моцна, суцэльным патокам. Пра дождж. Учора, казалі, у Поразаві дошч ліў як зь вяроўкі. Кабузі Свісл. (ЗНФ, 86). Цалютку ноч дошч ліў як зь вяроўкі, кала ганку лужына – ні прайсьці. Струбніца Маст. (ЗНФ, 86). І што гэта на сьвеці робіцца? Дзень і ноч дошч як зь вяроўкі лье. Пруды Дзятл. (ЗНФ, 86). Дождж лье як з вяроўкі. Вялікія Масушыны Свісл. (СГВ, 615). Дошч ліў як зь вяроўкі, што і выйсьці ні было як. Дабрасельцы Зэльв. Ну й раздажджылася, лье як з вяроўкі. Задвор'е Зэльв. Вар. як з вяроўкі (як з веравок). Якой вяроўкі каму, чаму. Няўхв. Чаго не хапае, чаго трэба каму-, чаму-н. Ашываяцца каля вёскі, якой яму вяроўкі? Бабіна Гродз. Чаму ш ён ні гарыць гэты сьвет, якой ш яму вяроўкі? Пугачы Шчуч. ВЯРОЎКУ. Лезці ў вяроўку. Заведама рызыкаваць жыццём, ісці на смерць. Лезці ў вяроўку. Масты Маст. (ППФВ, 62). У вяроўку лезці. Масты Маст. (МСГВ, 611). Што ты за чалавек ніразумны, сам у вяроўку лезяш, думаяш, яны с табой цацкацца будуць. Бабры Ваўк. ВЯРСТА. Як польская вярста. Вельмі доўгі, працяглы. Дзень у бальніцы як польская вярста. Слонім Сл. ● Фразеалагізм заснаваны на неадназначнасці назвы вярста. У Расійскай імперыі з канца ХVIII ст. і да ўвядзення метрычнай сістэмы вярста (руская) раўнялася 1066,781 м. У Вялікім Княстве Літоўскім, якое знаходзілася ў складзе Рэчы Паспалітай, была іншая, значна даўжэйшая, вярста (польская), а дакладней, два віды вярсты – малая, роўная 1559,7 м, і вялікая, роўная 1948,2 м. ВЯРСТЫ. За тры вярсты абягаць каго. Пазбягаць, баяцца каго-н. Паспрабуй зрабі толькі так, будзяш ты міне за тры вярсты абягаць. Алекшыцы Бераст. ВЯРУ. На ко´цю вя´ру жыць. Сумесна, без рэгістрацыі шлюбу. Мае сваты жывуць на коцю вяру. Ціпер так модно стало. Сямёнава Ваўк. ● Коця вяра – катова вера. ВЯСЕЛЛЕ. Чортава вяселле едзе. Віхор падымае і круціць на сваім шляху пыл, пясок і інш. Як закруціць вецер, як падыме пясок уверх, та наш дзед казаў: «Во, чортаво вяселе едзе». Лаша Гродз. (СНМ-2, 259). ВЯСЕЛЛІ. Як на вяселлі наесціся. Празмерна, сытна. Наеўся як на вяселлі. Эйсманты Бераст. (ППФВ, 43). ВЯСНОЮ. Вясною бульбы адкапаць каму. Іран-жарт. Ніколі не аддзячыць за што- н. Дзякуй, што памох сумкі прынясьці, я табе вясною бульбы аткапаю. Пеляса Воран. ВЯСНУ. Валаць вясну. Хадзіць у валачобнікі. Валоўнікі [валачобнікі] валалі вясну, сьпявалі песьні. Швейляны Астр. (МСГВ, 74). ВЯТРУЎКІ. Як вятруўкі да снегу падыходзіць. Зусім не (падыходзіць што-, хто-н. каму-н.). Патходзіць ён табе як вятруўкі да сьнегу. Арцюшы Шчуч. (ЛКГ, 125). ● Вятруўкі – басаножкі. ~ Г ~ ГА. Як га. Адразу, вельмі хутка, імгненна. Бялізна на дварэ высахла як га, летам як га сохне. Падгаі Ашм. (СГВ, 573). Як зьбяруцца ўсе дзеці, то бульбу тую як га выкопваем. Лаздуны Іўеў