ТАНЬ, ДЫ ТАВАРУ НІ ТАНЬ. Гавораць пры куплі і сватаўстве. Можна і танна за тавар даваць, але не трэба казаць, што тавар неякасны. Насовіч: Тань, да товару не гань. ТАПОР У КАРЧМУ ПАПЁР, А СЯКЕРА ДОМА СЯДЗЕЛА. Гаспадар і гаспадыня. ТВАЁ ДЗЕЛА ЦІЛЯЧЧА: З'ЕЎ ПОІЛА ДЫ АТПРУЦЬ У ХЛЕЎ. Звычайна загадваюць дзецям, каб тыя не ўмешваліся ў размовы старэйшых. Федароўскі: Твоё дзело з носа ды ў рот. ТОЕ МАЮ, ШТО Ў РУКАХ ТРЫМАЮ. Пра таго, хто не верыць абяцанкам і напавер не дае. Насовіч: Тагды маю, калі ў руках трымаю; Федароўскі: Тагды маю. як у руках трымаю. ТОЙ ГОСЬЦЬ ІЗНОЎ ЁСЫДЬ. Кажуць, калі з'яўляецца непажаданая асоба. Федароўскі: Ні ў час ні ў раз госці. ТОЙ САБАКА НЯ БРЭША, ШТО СПАТАЙКА КУСАЯ. Пра благога чалавека, які каму-н. спадцішка шкодзіць, зводнічае, удае вышэй стаячым асобам. Федароўскі: Ні бойся сабакі звяглівага, да бойся маўчалівага; Кажан сабака брэша, да ні кажан кусае. ТОЙ СЬМЯЕЦЦА, ХТО БУДЗЯ СЬМІЯЦЦА АПОШНІМ. Гаворыцца як папярэджанне не насміхацца з каго-н., не ведаючы, чым закончыцца яго дзеянне, учынак, справа. Можа аказацца, хто смяяўся першым, таму будзе не да смеху. Лепешаў: Добра смяецца той, хто смяецца апошнім; Грынолат: Смяецца той, хто смяецца апошні. ТОЛЬКІ ТОЕ ПРАВА I ПРАЎ. Калі адну і тую ж работу прыходзіцца паўтараць не адзін раз. ТРЭБА ВЕХТЯ I НАЖА, ДЫ К БУДЗЕ ДОБРАЯ ДЗІЖА. Прымаўляюць, калі нейкая хвароба ці пашкоджанне здарылася ад неахайнасці. ТРЭБА, КАБ БЫЎ ВОЎК СЫТЫ Й КОЗЫ ЦЭЛЫ. Гавораць, калі даводзіцца дагаджаць двум супрацьлеглым бакам з рознымі поглядамі, інтарэсамі і г. д. Насовіч: I воўк сыты, і козы цэлы; Федароўскі: Трэба так зрабіць, каб быў воўк сыты і козы цэлы. ТРЭБА КАВАЦЬ ЗЯЛЕЗА, ПАКУЛЬ ГАРАЧАЯ. Кожную работу трэба выконваць своечасова. Федароўскі: Куй жалеза, пукі гарачо, бо як астыне, то ні ўкусіш