лець. Гл.: Стыд закрыт, а сораму ня відацъ. Лепешаў: Coрам не дым, ванэй не выесцъ; Федароўскі: Калі ўстыд — закрый оны. СУДЖАНАМУ — ДЗЕЎКА *. Ад вызначанага лесам не пазбегнуць. Насовіч: Сужено — не разгужено; Не сужено, калі разгужено; Федароўскі: Як суджано, то ні міне; Што суджано, то ні разгуджано. СУПРОЦЬ ВАДЫ ЦЯЖКА ПЛЫСЫДІ. Цяжка супрацьстаяць сіле. Насовіч: Проціў вады не сплывется; Федароўскі: Цяжка плыўсьці праці вады. СУХАЯ ЛОЖКА РОТ ДЗЯРЭ. Кажуць, калі далі каму-н. посную страву, або не даб'ешся жаданага, калі не задобрыш каго-н. Ляцкі: Сухі кусок дзярэ раток; Насовіч: Сухая ложка рот дзярэць. СЫПНУЛА 3 РУКАЎЦА, ВЫКУПІЛА МАЛАЙЦА. Пра таго, хто выкупіў блізкага чалавека з астрогу, рэкрутаў, іншай павіннасці. СЫТЫ ГАЛОДНАМУ НІ СПАГАДАЯ *. Гаворыцца пра таго, хто не здольны спачуваць іншым людзям, не разумев іх патрэб, жаданняў. Санько: Багаты беднаму не спагадае; Сыты галоднаму не спагадае; Грашоўны (заможны) бедаку не спагадае; Здаровы не верыць хвораму, а багаты — беднаму; Хто сам бяды не зазнаў, той беднаму веры не дасць. СЬВЕТ ВЯЛІКІ, ДЫ ДЗЕЦЦА НЕГДЗЯ. Пра людзей, якія нідзе не могуць знайсці сабе прыстанку: куды ні пайдзе, усюды дрэнна. Насовіч: Свет вялік, да дзецца нейдзе; Свет вялік, а ў свеце людзі. СЬВЕТ КЛІНАМ НІ ЗЫШОЎ. Гэтак абнадзейваюць чалавека, расчараванага ў чым-н., што знойдзецца выйсце са становішча, ёсць і не горшае месца, праца, чалавек; не ўсё на гэтым скончана. Рапановіч: Свет не клінам сышоўся; Янкоўскі: Свет клінам не сышоўся. СЬВІНЬНІ НІ ДА ПАРАСЯТ, КАЛІ САМУЮ СМАЛЮЦЬ *. Калі самому крута прыходзіцца, няма як займацца кім-, чым-н. іншым. Насовіч: Не да парасят, калі саму свінню смаляць; Янкоўскі: Свінні не да парасят, калі хвост смаляць. СЬВІНЬНЯ, КАЛІ АДЫХОДЗЯ АД КАРЫТА, ДЫК ХОЦЬ ЗАРОХКАЯ. Кажуць, калі дзеці, адыходзячы ад стала, не падзякуюць