ні цешыць i ні грэя; Федароўскі: Чужое ў карысць ні пойдзе; Чужым ні забагацеіш (ні загацеіш). ЛЕПІ СІБРАВАЦЬ 3 ЖЫДАМ ГАЛАПЯТЫМ, ЯК 3 ПАНАМ БАГАТЫМ. Гэтак прыгаворвае селянін, калі багаты не адцае доўг. ЛЕПІ СЛУЖЫЦЬ МАНАРХУ, ЯК НЕЙКАМУ ПАРХУ *. Лепш падпарадкоўвацца дыктатару, чым паршыўцу. Федароўскі: Лепш служыць манарху, ніж табе, парху. ЛЕПІ СТАРОЖА, ЯК ВАРОЖА. Прымаўляе дбайны селянін, лічачы, што лепей страціць час на вартаванне сваёй гаспадаркі, чым быць абрабаваным. ЛЕПІ ЎВАЛІСЯ Ў КАРЫТА - НІХАЙ ЦЯБЕ СЬВІНЬHI З'ЯДУЦЬ. Прымаўляюць таму, каго ўвачавідкі ашукваюць, зневажаюць, высмейваюць, а ён пакорліва пераносіць усё гэта i маўчыць. ЛІК ВЯЛІК, АЛЕ КАРЫСЫДІ МАЛА. Багата чаго-н. дрэннай якасці. ЛІСІЦА ЖУКА НА ЛЕТАШНІМ ВОГНІШЧЫ ПІКЛА I КАЗАЛА: «СЬПЁКСЯ, ПАДСОХ, АЖ ТРАШЧЫЦЬ!» Калі нехта хваліць сваю благую ежу ці работу. ЛОБАМ СЬЦЯНЫ HI ПРАБ'ЕШ. Бескарысна супрацьстаяць сіле, уладзе. ЛОЙ СКУРУ ПАД'ЕЎ. Калі чалавек з вялікай выгады не ведае, што рабіць, i даходзіць да шаленства. ЛЮДЗЕЙ СЛУХАЙ, АЛЕ Й СВОЙ РОЗУМ МАЙ. Перасцярагаюць таго, хто легка, без развагі паддаецца нейчай парадзе. ЛЮДЗІ — БОЖЖЫ САБАКІ. Калі выдуманую на чалавека няславу ўсёй грамадой людзі перагаворваюць на ўсе лады. Гл. c. 230. ЛЮДЗІ ЎМІРАЮЦЬ I НАМ ЗАГАДВАЮЦЬ, А МЫ СУХАРОЎ НАСУШЫМ ДА ЗА IMI РУШЫМ. Гэтак жартуюць на хаўтурах. Гл. с. 151, 230. ЛЮДСКІЯ ЖОНКІ КРОСНЫ ТКУЦЬ, А МАЯ тэкля ЛЁН ТРЭПЛЯ. Прыказваюць, калі маецца нейкая няўпраўка ў рабоце. ЛЯНОГА КАНЯ ПУГАЙ НІ СПУЖАІШ. Прымаўляюць таму, хто сорамам хоча пераканаць злодзея або іншага несумленнага чалавека