КОЖНЫ ЦЫГАН СВАЮ КАБЫЛУ ХВАЛЯ *. Кожны расхвальвае свае, ходъ часта благое. Насовіч: Усякі цыган сваю кабылу хваліць; Усякі купец свой товар хваліць; Федароўскі: Кожан цыган сваго каня хваліць; Кожан купец свой товар хваліць; Кожан жыд (жыдок) хваліць свой товар (кромок, жонку сваю). КОЛЬКІ ВАЎКА НІ КАРМІ, А ЁН УСЕ Ў ЛЕС ГЛЯДЗЩ Ь *. Як ні старайся перамяніць сутнасць чалавека, ні навука, ні выхаванне не зменяць яго прывычкі. КОЛЬКІ НІ ЖЫВІ, А УМІРАЦЬ ТРЭБА. Кажа чалавек, калі набліжаецца старасць. Санько: Колькі ні красуйся, усё туды гатуйся; Як ні жывеш, а трупы не мінеш; Як ні хадзі, смерці не абыдзеш; Усё можно мінуць, толькі смерць не пераміне; Круці не круці, а трэба (мусіш) умерці; Смерці не заперці, калі трэба памерці; Ад смерці не выкруцішся, не вымалішся; Ад смерці не адкупішся і не адпросішся; Ад смерці ніхто не забароніць; Смерць у бутэльку не заткнеш. КОНЧЫЎ ПОП СЬВЯТА. Калі нехта застаўся без работы і без прыбытку. КОНЬ НА ЧАТЫРЫ НАП, А СПАТЫКАЕЦЦА. Так кажуць у апраўданне чыёй-н. памылкі. Федароўскі: Конь на чатырох нагах і то спатыкаецца; Конь на чатырох нагах спатыкаецца, чалавек адньш языком памыліцца (а чалавек на одном языку дзіво (не дзіво), што памыліцца). «КОСЯ, КОСЯ»! - ПАКУЛЬ ЗЛАВЩЬ ДАВЯЛОСЯ, А ЯК ЗЛАВІЎ, ДЫ К «СТОЙ, ВОЎЧЫ ДУХ»! Калі дэспат або ліхвяр ласкава абыходзіцца з прастаком, пакуль у свае рукі не возьме. КРАЙ У КРАЯ ХЛЕБА ПАЗЫЧАЕ. Сусед у суседа пазычае, атрымлівае дапамогу. КРУЦЕЛЬСТВАМ ВЕК НІ ПРАЖЫВЕШ *. Калі каго-н. выкрыюць за махлярства. Федароўскі: Круцельствам сьвет перойдзеш, да назад не вернішся. КРУЦІ НІ КРУЦІ, А ТРЭБА ЎМЯРЦІ *. Пра непазбежнасць смерці, або цяжкі выпадак, з якога не відаць выхаду. Гл. Колькі ні жыві, а уміраць трэба. КРЫВОЯ КОЛА ПРОСТА НЯ КОЦІЦЦА. Благі чалавек па праўдзе не жыве. КРЫЎДА ПРАЎДЗЕ ВОЧЫ ВЫКАЛАЛА. Так прымаўляюць, калі крыўда перамагае