ДЗЕ ЎЖОН, ТАМ I ЎМАЛОТ. Калі ў селяніна вялікая колькасць снапоў, дык можна спадзявацца, што ён шмат намалоціць збожжа. ДЗЕ ХВЭСТ — I ЙІНА ТАМ ЕСТ *. Кажуць пра таго, хто без запрашэння ціснецца на чужыя бяседы ці ўмешваецца ў чужыя справы. ДЗЕ ЧОРТ HI АРАЎ, ТАМ СЕІЦЬ HI СТАЎ. Калі нехта не спадзяецца на ўдачу ў якой-н. справе, то ён не рызыкуе. ДЗЕЛЯ АДНАГО ЖЫДА КІРМАШ БУДЗЯ. Прыказвае селянін, калі лянуецца працаваць на гаспадарцы і хоча ехаць на кірмаш. ДЗЕЛЯ АДНАГО САЛДАТА НЯ БУДЗЯ ВОЙСКА ШЧАРБАТА. Прымаўляюць так, калі ў багатага гаспадара просядь тое, чаго ён мае шмат. ДЗЕЛЯ ДРУЖБЫ I ЦЫГАН ВЕШАЎСЯ. За кампанію пад уплывам грамады можна нарабіць шмат неразумных учынкаў. Насовіч: Дзеля дружбы цыган павесіуся; Федароўскі: Для кампаніі цыган даўся павесіцъ. ДЗІЦЯ ТРЭБА ГОД КАЧАЦЬ, ЯК ЯЕЧКА Й ПЯЦЬ ГАДОЎ ПАСЬЦЩЬ, ЯК АВЕЧКУ. Каб выхаваць добрае дзіця, трэба прыкласці многа працы і клопатаў. ДЗЯДЫ НЕ МЕЛІ БЯДЫ, А ЎНУКІ НАБРАЛІСЯ МУКЕ Раней было лепей. Федароўскі: Дзяды не зналі бяды, але ўнукі зажываюцъ мукі. ДЗЯКУЙ БОГУ, ШТО МЫШЫ ПАГАРЭЛІ. Калі пры вялікім убытку чалавек застаецца задаволеным хоць чым-н. Навуменка: Згарэла хата, згарэлі і кланы. ДЗЯКУЙ! - ВЫБАЧАЙ! АЛІ БОЛІ НІ ДАКУЧАЙ! Прыказваюць, калі частуюць няпрошанага госця. ДЗЯРЖЫ ГАЛАВУ Ў ХОЛДДЗЯ, БРУХА Ў ГОЛАДЗЯ, А НОГІ Ў ЦЯПЛЕ - НІКОЛІ НІ ПРАПАДЗЕШ. ДЗЯРЫ ЛАЗУ, КАЛІ ДЗЯРЭЦЦА. Работу трэба рабіць у адпаведны час. Гл. с. 146, 173, 193. ДЗЯРЭЦЦА - НА НОВАЯ СПАДЗЯЕЦЦА. Трэба рупіцца пра новую адзежку. Федароўскі: Дзярэцца, а яшчэ на новое не бярэцца. Гл. с. 173. ДЗЯЦІНЫ ХЛЕБ ГОРАК. Прыказваюць старыя бацькі, калі іх крыўдзяць дзеці