ЯК СТАЎ НА СТАНУ, ТО НІ К ЛАВЕ, НІ К СТАЛУ *. Поўнасцю аддацца якой-н. справе, захапіцца ёю; нікуды не варты. ЯК ТАКАЯ НАВАРА, ТАК ЛЕПЕЙ НІ З ЧЫМ. Як такая ласка (такі прыбытак), лепш ніякай. ЯК ХТО ПАСЦЕЛЕЦЦА, ТАК І ВЫСПІЦЦА. Як зробіш, тое табе будзе. Гл. с. 125. ЯК ХТО ХОЧЕ, ТАК ПА СВАЯМУ БАЦЬКУ ПЛАЧЕ. Кожны дзейнічае як разумее, па-свойму. Гл. с. 127. ЯКІЯ МЫ САМІ, ТАКІЯ НАШЫ САНІ. Пра чалавека можна меркаваць па яго рэчах, вонкавым выглядзе і г. д. Гл. с. 127, 137. ЯКО ДРЭВА, ТАКІ КЛІН; ЯКІ БАЦЬКА, ТАКІ СЫН. 'тс'. Гл. с. 127, 128. ЯКО ДРЭВА, ТАКІ СУК; ЯКІ ДЗЕД, ТАКІ ЎНУК. У нашчадкаў з'яўляюцца рысы характару продкаў. ЯНЫ АБОЕ РАБОЕ: ЯК ЁН 18, ТАК ЯНА БЕЗ ДВУХ 20 *. Пра падабенства характару мужыка і жонкі. ЯНЫ ЎСЕ АДНЫМ МІРАМ МАЗАНЫ. Пра вельмі падобных адзін да аднаго; усе аднолькавыя. БЕЛАРУСКІЯ ПРЫКАЗКІ (ГРОДЗЕНШЧЫНЫ) Дар лекара В. Загорскага. Без пазнакі месца і даты Дзяржаўны гістарычны архіў Летувы Фонд сяброў навук у Вільні, фонд 1135, вопіс 3, № 52. Вільня Загорскі Вацлаў (1858—1927) — лекар, гісторык; вучыўся ў Маскве, адзін з заснавальнікаў і пэўны час старшыня віленскага Таварыства сяброў навук. А АБОДВА ЧЕРЦІ Ў АДНОЙ ШЭРСЦІ. Абсалютна аднолькавыя паводле адмоўных якасцяў. Гл. с. 105, 164. АБЫ БАЛОТА, ТО ЧЕРЦІ БУДУЦЬ. Дастаткова спрыяльных умоў, а людзі з адмоўнымі якасцямі знойдуцца.