ЗАПАС БЯДЫ НЕ ЧЫНІЦЬ. Запас ніколі не шкодзіць. Гл. с. 42. ЗІМА РОБІЦЬ НА ЛЕТО, А ЛЕТО НА ЗІМУ. Рыхтуй зімой на лета, а летам на зіму. ЗНАЕШ ТЫ ТОЛЬКІ, ШТО З НОСА Ў РОТ *. Кажуць падлетку, калі той умешваецца ў гутарку старэйшых. ЗНАЎ БОГ, ШТО НЕ ДАЎ СВІНЬНІ РОГ, А МУЖЫКУ ПАНСТВА. Гаворыцца пра таго, хто злоўжываў сваім становішчам. Гл. с. 25, 143. ЗОЛАТА І Ў ГРАЗІ БЛІШЧЫЦЬ. Добрае нідзе не траціць сваіх якасцяў. Гл. с. 43. ЗЯЦЬ ЛЮБІЦЬ УЗЯЦЬ, А ЦЕСЦЬ ЛЮБІЦЬ ЧЭСЦЬ. Пра адрозненне паміж зяцем і цесцем. І І ГОСЦЯ СОРАМ, І ХЛЕБА ЖАЛЬ. Пра супярэчлівае пачуццё раздвоенасці. І ГУЛЬТАЯ БОГ КОРМІЦЬ. І гультаю нешта перападае, часам нямала дастаецца. І НЕ ДАЙ І НЕ ЛАЙ. І Ў РАЮ ХУДА БЫЦЬ НА КРАЮ, БО СВЯТЫЯ, ЯК ІДУЦЬ, БОКІ АБШАРГУЮЦЬ. Кажуць пра невыгоду жыць на ўскрайку сяла. Гл. с. 44. К К МАЙМУ БЕРАГУ НІШТО ДОБРАЕ НЕ ПРЫПЛЫВЕЦЬ: АЛЬБО ТРЭСКА, АЛЬБО ГНІЛАЯ ВЕЦЬ. Кажуць пра ўсё няўдалае: пра няўдалых родзічаў, дзяцей і г. д. К НАШАМУ БЕРАГУ НІШТО ДОБРАЕ НЕ ПРЫПЛЫВЕ: АЛЬБО ПЯСОК, АЛЬБО ГРАЗІ КУСОК. ‘тс’. КАГО БОГ НЕ ПАКІНЕ, ТО НАЙДЗЕ І Ў МЯКІНЕ. Не забыты Богам знойдзецца. КАДЗІЛА, КАДЗІЛА, НЕ АДНАГО ТЫ УХАДЗІЛА; УХОДЗІШЫ ТЫ І ТАГО, ХТО ДЗЕРЖЫЦЬ ЯГО. Смерці нікому не пазбегнуць. КАЛІ БАЛІЦЬ, ТОЙ КРЫЧЫЦЬ. Кожны гаворыць пра сваё набалелае.