праз сваё свавольства. Федароўскі: Ад Бога грэх, ад людзей смех. АД ВАСТРОГУ I АД ТОРБЫ НІ АДМОВІШСЯ. Нельга быць упэўненым, што цябе не напаткае бяда, няшчасце і да т. п. Грынблат: Ад турмы і ад торбы не адракайся; Ад турмы і ад сумы ніколі не адказвайся; Сумы і турмы ніколі не заракайся; Санько: Ад астрогу няма перасцярогу; Хваробы бойся, астрогу сцеражыся, а торбы не цурайся; Багата жыві, жабраваць не заракайся. АД КАПУСТЫ НОГІ КЛУСТЫ. Паводле сялянскага разважання, капуста самая пажыўная і сытная ежа, асабліва калі да яе дадаць сала і хлеб. Федароўскі: Як капуста тлуста, то ў жываце не пуста. АД ЛЕТКА ДА ЛЕТКА ЧАКАЙ, МАЁ ДЗЕТКА. Так прымаўляюць, калі тэрміновую справу прапануюць адкласці на нявызначаны час. АД ЛІХА ЦІХА, АЛЕ I ДАБРА НЯМА *. Жартаўлівы адказ таму, хто пытаецца пра жыццё, навіны і г. д., г. зн. нічога асаблівага. Насовіч: Ад ліха ціха, ды і дабра не чуваць; Грынблат: Ад ліха ціха, а дабра не чуваць; Федароўскі: Аб (ад) ліха ціха, а добрага не чуваць. АД НАПАСЬЦІ НІ ПРАПАСЬЦІ. Не трэба ўдавацца ў роспач і мужна пераносіць напасці, бараніцца ад іх. Кажуць у адказ на чые-н. пагрозы. Федароўскі: Ад напасці можна прапасці; З напасці гатоў чалавек прапасці (можна чалавеку прапасці). АД ПРЫБЫТКУ ГАЛАВА НЕ БАЛІЦЬ. Прыбытак нікому не зашкодзіць. Таксама жартуюць з таго, да каго прыбыў непажаданы госць. Санько: Грошы цела не пякуць; З прыбытку — бяды няма; З прыбытку галава не баліць. АД РАБОТЫ I КОНІ ДОХНУЦЬ. Гаворыцца жартам, калі хочуць перастаць рабіць, або з пагардай пра таго, чыя стараннасць ці дбайнасць не ўхваляецца. Насмешлівае сцверджанне пра гультая, які адмаўляецца ад работы. Грынблат: Ад работы валы дохнуць. АД РОДНАГА ТАТКІ ДОРАГІ Й ЛАТКІ. Дарагі ўспамін пра блізкую асобу і яго рэчы. АД СЬМЕРЦІ РУК НІ ПАДЛОЖЫШ *. Ад смерці няма ратунку, бо яна немінуча. Санько: Смерці не заперці, калі трэба памерці; Ад смерці не адкупішся і не апросішся; Феда