СТРАМЯКА ж. Стрэмка. У паляц страмяку засадзіла... Баліць!
СТУПЕЦ м. Дэталь грабель, у якую ўбіваюцца зубы. Сам граблі раблю: і граблішчо, і ступец, і зубы.
СУХАР м. перан. Вельмі худы чалавек. Такого сухара я шчэ ні бачыла, адны косьці ды скура.
СУХАРЫНА ж. і м. Вельмі худы чалавек. Яе мужык такі ўжэ сухарына, што ажно, на сонцы прасьвечваяцца.
ТРАСЦІНА ж. Металічная пласцінка ў бердзе. У бердзі дзьве трасьціны паламаліся.
УСТУПІЦЦА зак. Ссесціся пасля мыцця (пра вырабы з тканіны). Уступілася спадніца, ціпер закаротка будзя.
УТОК м. Ніткі, прызначаныя для ткання ўзору. У міне ўтоку будзя мало, хоць пазычаць ідзі да каго.
ХВАРАВЕКАВЫ прым. Чалавек, які часта хварэе, слабы здароўем. Некі ён у цібе хваравекавы, кожны гот атхварэя.
ЦЮЦЯЛЬКА ж. Драўляная калодачка для падтрымкі нічальніц у кроснах. Абедзьве цюцялькі раскалоліся, німа як ткаць.
ЧАРЭПКАЦЦА незак. Лезці, залазіць куды-н. Чарэпкайся да міне на печ, пагрэясься.
ЧУГАН м. Чыгунны гаршчок. Цэлы чуган картофлі зьелі.
ШАРСЦЯНКА ж. Шарсцяныя ніткі. На свэдар шарсьцянкі купіла, вязаць буду.
Ф. Д. Клімчук
З ЛЕКСІКІ ВЁСКІ КАМЯНЮКІ
КАМЯНЕЦКАГА РАЁНА
Вёска Камянюкі (мясц. Камыэнюкыі) знаходзіцца ў паўночнай частцы Камянецкага раёна. Гаворка вёскі адносіцца да сярэднезагародскіх, аднак характарызуецца некаторымі спецыфічнымі асаблівасцямі.
На месцы галоснага о ў новых закрытых складах пад націскам вымаўляецца ӥ (умляут) часта з наступнай, рэдка з папярэдняй дыфтангічнай часткай і. Абазначаем гэты гук праз і (пасля мяккіх зычных) або ы (пасля цвёрдых зычных).
На месцы націскнога ѣ пасля зычных д, т, з, с, н вы
85 👁