робіш? — А нічого. Парабіў работу: сено прывёз, картоплі выкапоў, дрова парубаў — зараз сабак ганяю. Альшаніца Квас. ГАРА З ПЛЕЧ СПАЛА (ЗВАЛІЛАСЯ). Пазбавіцца ад клопатаў, перажыванняў, адчуць палёгку. Перарабіў печы ў хаці, то як гара з плеч спала. Зыбайлы Жытл. ГАРАЧАЯ ГАЛАВА. Нястрыманы, неразважлівы чалавек. Вечар з дзеўчынаю пасядзеў, прышоў: "Жаніцца буду!" Астудзі сваю гарачую галаву, адумайся, ты ж яе зусім ні знаяш. Куляшы Міл. ГАРОД ГАРАДЗІЦЬ. Хлусіць, выкручвацца. Э-э-э, пачала ўжэ гарод гарадзіць. Сказала б, што праспала цэлы дзень, а то хвораю прыкінулася. Жытлін Жытл. ГАРЫЦЬ У РУКАХ. Хутка спраўляцца з работай. Мая жонка, за што ні возьмяцца, – усё ў руках гарыць. Няхачава Стайк. ГАРЫ ЯНО ГАРОМ. Так выказваюць абурэнне, раздражненне. Ано получу пенсію – адразу кіну работу. Гары яно гаром, усіх грошай ні заробіш. г.Косава. ГАРЭЦЬ АГНЁМ. Тэмпературыць. Унучка захварэла, гарыць агнём. Градусніка дала – пад сорок. Шчасце, шчо сусед дома быў. Хутчэй у машыну да ў Косово, у бальніцу. Ажно пад ранок жара спала. Добра, шчо ў людзей машыны зараз е. Каб даўней, то згарэло б дзіця. Скураты Квас. ГАРЭЦЬ СІНІМ ПОЛЫМЯМ. Не шкадаваць таго, што можа прапасці. Хай тыя картоплі гараць сінім полымям, каб я іх у такі холад полола. Будзя яшчэ цяпло, у Бога ўсякіх дней много. Альшаніца Квас. ГАТОЎ ВЫСКАЧЫЦЬ З САРОЧКІ. Уцякаць з усіх сіл. Пайшла па ягады, пачалася навальніца, то ўцякала з лесу – гатоў з сарочкі выскачыць. Заполле Кос. ГАТОЎ ПАЛЬЦОМ ДАСТАЦЬ. Празмерна наесціся. Наеўся, гатоў пальцом дастаць. Размеркі Стайк.