яцца? Заполле Кос. ЛЕЗЦІ НА РАЖОН. Не зважаць, не баяцца выніку ад учынку, паводзінаў. Нікому ні ўступіць, вечно лезя на ражон. Ну, і палучая ў лыч. Альшаніца Квас. Лыч – тут: твар. ЛЕЗЦІ НА СЦЕНУ. Мучыцца, пакутаваць з болю. Так баляць зубы, гатоў на сцену лезці. Размеркі Стайк. ЛЕЗЦІ (ЗАЛЕЗЦІ) ПАД ПАЗУР. Моцна гнявіць, дапякаць. Добра ты ляснічаму пад пазур залез, калі ён цябе з работы выгной. Заганяў ты дрова направо і налево. Ёдчыкі Квас. Заганяць – тут: прадаваць, збываць. ЛЕЗЦІ (СПЯШЫЦЬ) РАНЕЙ ЗА БАЦЬКА Ў ПЕКЛО. Так папярэджваюць таго, хто стараецца апярэдзіць падзеі. Чаго ты лезяш раней за бацька ў пекло? Дай старэйшым сказаць. Яны больш пражылі, больш ведаюць за цябе. Гічыцы Ягл. ЛЕЗЦІ СЛАТОЮ (АСОЮ, СЛЯПІЦАЮ) Ў ВОЧЫ. Надакучаць, прыставаць, чапляцца. Адчапіся, не лезь слатою ў вочы. Размеркі Стайк. ЛЕЗЦІ (ЗАЛЕЗЦІ) Ў ГОЛОЎ. Запамінацца. Пачула песню па радзіві, цэлы дзень хаджу, мармычу пад нос. Залезла ў голоў і ні выкіну. Сенькавічы Падст. ЛЕЗЦІ (ЗАЛЕЗЦІ) Ў ДУШУ. Умешвацца ў асабістае жыццё іншага чалавека. Чаго ты да мяне ў душу лезяш? Мне і так жыць не хочацца. Цераз мяне хлеў згарэў: забыўся свет выключыць. г.Косава. ЛЕПЯТАЦЬ ЯЗЫКОМ. Гаварыць абы-што. Сціхні ўрэшці, ні лепячы языком, каб табе заняло. Альшаніца Квас. ЛЁГКАЯ РУКА. Пра ўдачлівага, добразычлівага чалавека. Так і быць, куплю ў вас цялушачку, каб з вашай лёгкай рукі разжыцца. Яглевічы Ягл. ЛЁГКІ (ЛЕТКІ) НА НОГІ. Хуткі ў хадзе. Мой Іван, хоць сёмы дзясятак размяняў, але лёгкі на ногі. Другі малады ні зыдзяцца. Хадоркі Кос.