АГЛАБЛЁВА ж. Апошняя чарка перад развітаннем. Пытаюцца ўсе: "А чаму аглаблёва?" - "Бо пасля яе каня ў аглоблі запрагаюць ды збіраюцца ехаць дадому". Альшаніца Квас. АГЛАБУШЫЦЬ зак. экспр. Знянацку, моцна стукнуць. Аглабушыў з-за вугла майго хлопца, а сам наўцёкі. Ятвезь Квас. АГЛАШЭННЕ н. царк. Паведамленне аб намеры маладых уступіць у шлюб; абвяшчэнне. У гэту нядзелю ажні тры пары падалі на аглашэнне. Лазаўцы Міл. АГНОЕК м. Гнілое дрэва. Пайдзеш у лес, то столькі агнойкоў ляжыць, гніе. Заполле Кос. АГНОЙКІ мн. Гнілякі. Якія гэто дрова - адны агнойкі! Сакоўцы Міл. АГОЎТАЦЦА зак. Асвойтацца, прывыкнуць да чаго-н. Я не тутэйшая, я з другого сяла, сюды замуж пайшла. Агоўталася, прывыкла, жыву, міруся з людкамі. Галенчыцы Ягл. АГРЫЗОК м. Агрызак. Гэто зара агрызкі хлеба валяюцца, даўней упадзя акрайчык хлеба са стала, чалавек падымя і пацалуя. Була Міл. перан. абразл. Недабітны чалавек. Ну, усім агароды камбайны памалацілі, засталіся адны агрызкі: пенсіянеры да ўдовы. Заполле Кос. АГРЭБНІК ж. і м., асудж. Неахайны чалавек. Пакараў мяне Бог нявесткаю: агрэбнік, ажно брыдко людзей. Мілейкі Міл. АГУЗКАВАТЫ прым. Каржакаваты (пра чалавека, яго постаць). Малады яшчэ, але агузкаваты хлопец у Андрэя. Андрэй мяшок з картоплямі адзін бярэ на плячо, і сын ужэ ад яго не адстае. Быч Стайк. АДБАРАБАНІЦЬ зак. экспр. Набіць. Біў ён, адбарабанілі яго: галава гуза знойдзя. Грыўда Міл. АДБІЦЬ зак. перан. Адгаварыць. Да Алены некі сватаўся ўдавец, але адбілі людзі. Міхнавічы Стайк. АДБУХАЦЬ зак. экспр. Пабудаваць прасторны, вялікі