ПРАКЛЁНЫ А гары яно гарам! Альшаніца Квас. Г. зн. няхай прападае. "А гары яно гарам, буду я мучыцца на гэтым полі, хай зарастая" (з аповеду інф.). А гары яно ўсё сінім полымем! Кушняры Падст. А каб табе скула ў роце села! Бялавічы Кос. А каб ты не даждаў! Жамайдзякі Міл. Г. зн. каб не дачакаўся жаданага выніку. а) Каб ты не прыждаў! Квасевічы Квас. А каб ты скруціўся! Квасевічы Квас. "Кап ты скруціўся, як ты круцісься, сядзі ціхо!" (прыклад інф.). А каб цябе Пярун на гладкай дарозе цэліў! Альшаніца Квас. Пярун — у беларускай міфалогіі бог маланкі і грому. Акыш, каб вы павыздыхалі! Скураты Квас. Такім воклічам праганяюць курэй. Акыш, каб на вас карбунец напаў! Альшаніца Квас. Карбунец — хвароба, калі на целе з'яўляецца гнойны нарыў. Акыш, каб вас шуляк пахватаў! Хрышчонавічы Квас. Шуляк — каршун. А няма на вас халеры! Бусяж Міл. А няхай вас чорт пабярэ! Быч Стайк. А няхай ты згары! Бялавічы Кос. А няхай яно затане! Заполле Кос.