Добрыя пажаданні А хай вас дажджом намочыць! Багдай табе добра было! Бадай цябе мані (каб не ашукалі). Будзь здарова, як карова, і багата, як зямля, і пладліва, як свіння. Дай Бог яму веку! Дай жа Бог табе здароўя з жабіны прыгоршчыкі (усмешка). Дай табе Бог здароўя ў ручкі, у рожкі й паміж ног трошкі! Каб беглі дні, а здароўе стаяла! Каб Бог яе гадаваў! Каб ты сто гадоў жыў і памёр на цёплай печы. Каб цябе жырам абкаціла й балесь не брала. Каб яму было цёпла ў пекле. Карай Бог павек! (Каб Бог добрае пасылаў часцей.) Хай ёй здарова будзець! Хай жа Бог даець Анэлі й у касцеле, і ў пасцелі! Праклёны й грозьбы Апсік, каб твой апох сік! (Пагроза кату.) А халера іх хай! Бадай цябе чамярэнь! Боль цябе паеш! Будзіш помніць да зялёных венікаў! Вон! Каб і вонках не было!