БЕЗБАЧЧЫНЫ прым. Які не мае бацькі. Безбаччыны дзеці непамяркоўныя і непаслушныя. Вецярэвічы Пух. БЕЗГАЛОЎЯ, БЭЗГОЛУОВ'Е н. Згуба, няшчасце. Чаго ты туды пашоў на сваё безгалоўя, цябе там набілі, бес патрэбы накрычалі. Ністанішкі Смарг. Іті, біешчы, йіехать, літіеті на бэзголуов'е, в такую погоду собакі с хаты ніхто нэ выжэнэ, а вы хочэтэ іті на безголуов'е. Курашэва Чыж. БЕЗДАНЬ ж. Бяздонне. Глядзі, у бездань тую не ўтапісь. Мішневічы Шум. БЕЗДЗЕТНЫ прым. Бяздзетны, бясплодны. Ён бездзетны быў, жонка памёршы была. Альхоўка Навагр. БЕЗЗЯМЕЛЬНЫ прым. устар. Хто не меў сваёй зямлі. Жыла ў той хаце беззямельна баба. Альхоўцы Лях. БЕЗЛЮДНІК м. асудж. Нелюдзень. Безлюднік не любіць людзей. Жылі Іўеў. БЕЗМЕН м. Бязмен. Безмен у мене ест. Новікі Гродз. БЕЗРОДНЫ прым. Які не мае радні. Ён безродны быў. Граўжышкі Ашм. Безродна баба жыла. Малыя Аўцюкі Калінк. БЕЗУЛАДНЫ прым. Нерухомы, паралізаваны. Мая рука як бы мёртвая — безуладная. Яна ляжала, як мяртвая, безуладная. Груздава Паст. БЕКАС гл. БАКАС БЕЛА-БЕЛА прысл. Надта многа. Што ля ракі людзей — бела-бела. Саланое Віл. БЕЛАВАТЫ прым. Які мае белае адценне. Ест белаваты баравік, белавата сураешка, назбірала белаватых сураежак. Новікі Гродз. БЕЛАВЫ прым. Тое ж, што і б е л а в а т ы. Бываюць белавыя камні. Жылі Іўеў. БЕЛАЗОРЫ прым. Белавокі. У белазорага белыя вочы. Вязынка Маладз. БЕЛАКОРЛІВЫ прым. З белай карой. Елка белакорлівая — моцная, устойчывая. Кураполле Паст. БЕЛАПАЯСЫ прым. Пярэсты, у белую палоску. Белапаясэ парася. Белапаясыя парасята — як паяском патпяразаны па палавінцы. Альхоўцы Лях. БЕЛАЯ БАБА ж. міф. Русалка. У нас страшылі дзяцей белай бабай, казалі: «Не ідзі ў жыта, там белая баба». Рыбчына Віл. БЕЛАЯ ЕЛЬ ж. бат. Белакорая елка. Белая ель для цымбалаў, яна лёгкая, дае звук добры — рэзананасная ель. Якубова Рас. БЕЛІЦІ незак. Мыць бялізну. Вада е цёплая ў печы, буду беліці кофты, хусткі, сарачкі — все выбелю. Ялова Пруж. БЕЛІЦЦА незак. Выбельвацца на сонцы. Беліцца палатно — гэто не адзін раз расцеліцца на слонцы. Грыкені Вільн.