знойдзяш, гэтулькі людзей і цёмно, са сьвечкай ні знойдзяш тут яго. Жац., Стаўб. р. Прышла вот раз Маня й кажа: «Пазычця, бабуня, нажа капусту пашаткаваць». «Бяры»,— кажу. Я й сюды й туды — нідзе німа. А ў хаці беспарадак, ведамо, усе ў полі, параскідано, тут са сьвечкай яго ні знойдзяш, ні то што. Сав., Стаўб. р. СА СМЕХУ ДУШЫЦЦА. Гл. ДУШЫЦЦА СА СМЕХУ. СА СМЕХУ ПАДАЦЬ. Гл. ПАДАЦЬ СА СМЕХУ. СВАЕ РАБОТЫ ш т о. Не куплёнае, не фабрычнае, а самаробнае, зроблена сваімі рукамі. У войску насілі лапці, сарочкі і ганавіцы с палатна свае работы, хварбілі альховай карою. Кол., Нясв. р. Упэрод ногавіцы шылі з свое роботы суконного полотна, да такіе ногавіцы носілі только ў сьвято, а на каждый дэнь то шылі ногавіцы з зрэбного хварбяного полотна. Сорочкі тож шылі з свое роботы кужэльного полотна. Саш., Бяроз. р. Есь сукно свае работы, звалянэ, але неке брытке, сівэ, волас сухі, дак пашыю валёнкі. Гр., Слуц. р. Плацьця (сукенкі) мы насілі свае работы да калхозу, а ў калхозя мы ўжо ажыліся, сталі з магазіна набіраць ды плацьці нашываць. Сіц., Пух. р. Ляжала адзежа сьмярцёлна (на смерць), палатно свае работы, усё ляжала ў купры. Таўкач., Уздз. р. Кулёк — пінжак с сукна свае работы. Ульян., Сен. р. СВАЁ (права) ПРАВІЦЬ. ПРАВІЦЬ СВАЁ. Настойваць на сваёй думцы, даказваць яе на словах ці на справе, стаяць на сваім. Наш Міколка лазіць па гнёздах ці дзе яго ліхаманка носіць. Усе порткі падзёр, не пасьпяваю латаць. Ужэ маці яму так дае, а ён сядно сваё права правіць. Шаш., Стаўб. р. Вот у міне нашто Волясь і ціхі, і рахманы, здаецца, а ты яму свайго ні дакажаш. Правіць, панімаяш, сваё, а бацькі ні прызнае. Сав., Стаўб. р. Што гэто за хлопяц удаўсё! Ты яму гавары, а ён сваё права правіць, саўсім не слухае маткі. Там жа. А бацька кажа: «І матка яе такая! Ужо іншы рас і па зубах палуча, а ўсё адно сваё правіць». Зял., Мядз. р. СВАІМІ СІЛАМІ. Без старонняй дапамогі. Сваімі сіламі выбіраюць (бульбу). Трошко школьнікі Гарэцкае школы памагалі, стаўпляне прыягджалі, а далёкіх памочнікаў у гэтум году ні было. Сав., Стаўб. р. Ты, унучак, старайся сваімі сіламі рашыць задачкі, а тато хай табе потым праверыць, ці правільно ты рашыў. Гор., Стаўб. р.