З ГЛУЗДУ З'ЕХАЦЬ. Страціць магчымасць разумна разважаць. Мото твой чоловек з глузду з'ехаў, то ж мы з йім договарваліс узаўтра по рыбу іці, а вон у Столін поехаў.
З ГОЛОВЫ ДО П'ЯТ ОБГЛЕДЗЕЦЬ. Усё поўнасцю. Зайдзеш у клуб у новом плацьйі, то обгледзяць з головы до п'ят.
З ГОЛОВЫ НЕ ВЫХОДЗІЦЬ. Непакоіць. Нешчо ў мене ніяк з головы не выходзіць тэ, шчо вон сказаў, коб і праўду з жонкою не розвёўса, а тож вон можэ.
З ДУБА ГЕПНУЦЦА. Пра чалавека, які не ведае чагосьці, што ўсім даўно вядома. Мото ты з дуба гепнуўса? То ж Валька ўжэ даўно замужом, ужэ й дзіця скоро будзе.
ЗЛА НЕ ХВАТАЕ. Калі нехта вельмі злуецца. У мене ўжэ на вас, цётко, зла не хватае. Одное говоркі, шчо про грошы, аж слухаць не хочэцца.
З П'ЯТОГО НА ДЗЕСЯТЭ. Не па парадку расказваць. Як начаў вон нам росказваць, як ездзіў у Сібір, а сама ж знаеш, шчо росказвае з п'ятого на дзесятэ, так мы і не понялі нічого.
З РАНКУ ДО ВЕЧОРА. Увесь дзень. Наш Валера проседзеў учора з кніжкою з ранку до вечора, нікуды й не вышоў.
ЗРОБІЦЬ ДО ТОЛКУ. Зрабіць добра. От ужэ ж і невестка моёй сусецы попалас, ніяку роботу не можэ зробіць до толку.
ЗУБЫ ЗАГОВОРВАЦЬ. Адцягваць чыю-небудзь увагу ад чагосьці важнага. Ты мне тут зубы не заговорвай, да кажы прамо, дасі на заўтра ровера ці не.
З ХВАНАРОМ ХОДЗІЦЬ. Мець сіняк пад вокам. А чого то твоя жонка з хванаром ходзіць? Мото нейдзі напіўса ўчора да побіў?
З ЦЕМНА ДО ЦЕМНА. Увесь дзень. Учора як пошлі ўсе разом, то з цемна до цемна бульбу копалі, але, слава Богу, кончылі.
І ВУХОМ НЕ ВЕСЬЦІ. Не рэагаваць. Я ёго зову, зову, а вон і вухом не ведзе, прытворыўса, шчо не чуе.
І ТАК, І СЯК. Рознымі спосабамі. Я ўжэ і так, і сяк ёго ўговорвала, а вон сказаў не поеду і ўсё тут.
І Ў ВУС НЕ ДУЦЬ. Не рэагаваць. Другі б за гетые іздзевацельства даўно ўжэ Харыська збіў бы, а Воўчык і ў вус не дуне, стойіць собе, посмехаецца.
КАЖНОМУ СЛОВУ ВЕРЫЦЬ. Верыць усяму. А Петрыку шчо хоч кажы, вон будзе кажному слову верыць.
КАЛЮГІ ЗМЕРАЦЬ. Набраць у боты вады. Мой малы ўчора калюгі як змераў, то цепер усёй дзень лежыць – і кашляе, і цемпература пыд сорок.
КАПЦЭ ПРЫШЛІ. Пра смерць. Учора як схопіло мене за серцэ, то думала, шчо капцэ прышлі, аж цепера трохі одлягло.
78 👁