249. Пчала на любую кветку ляціць, але не на кожную сядзе. А. Махнач, 1952, Уздз. 13.10.15. 250. Камар не кабан, яго і без доўбні ўб'еш. Fed., 134. 251. Моля молю есць, а молі чорт не бярэць. Нос, 79; Дуб., 35. а) Моль моля есць, а моля прах не бярэць. Добр., Смол., 16. 252. Кляшча крапчэй конскага пляча. Бяльк., 334, Мсцісл. 253. Не было нас — быў ляс, і не будзе нас — будзе ляс. Fed., 162. 254. Слухай, дуброва, што лес гаворыць. Ром., Зап., III, 232. 255. Што ў лесе родзіцца, ва дварэ згодзіцца. Нос, 188. Вар.: Сержп., 55. а) Што ў лесе родзіцца, то ў хаце згодзіцца. Fed., 162. Вар.: Ахрым., 60; Сцяшк., 616, Навагр. б) Што ў лесе родзіцца, у хаце знадобіцца. Tyszk., 437; Шейн, II, 483. 256. Жыўшы ў лесе, дроў не купляць. Fed., 162. 257. У лес дроў не возяць. Ром., Зап., I, 216; Fed., 162; Ахрым., 54; Т. Багдзевіч, 1963, Воран. 13.10.6. 258. У калодзезь вады не льюць, а ў лес дроў не вязуць. Fed., 134. 259. Лес па сякеры не плача. А. Махнач, 1952, Уздз. 13.10.15. 260. Лес па пажару не плача. Ахрым., 38. 261. Калі ідзеш лясом, дзяржы тапор за паясом, як выйдзеш у сенажаць, не забудзь дубец зламаць. Ляцкий, 16.