363. Чужая ніўка паядаець сілку. Жанч., 272; А. Ліс, 1963, Міёр. 364. Дзе п'юць да ядзяць, там Яська не глядяць, а дзе цяжка — ідзі туды, Яська! Fed., 125. 365. Пану патрэбна казна — мужыку трашчыць спіна. Ляцкий, 33. 366. Таргаваць лягчэй у краме, чым касіць у пана. Ляцкий, 45. 367. Паміраць сабірайся, а хлеб пану сей. М. Расюкевіч, 1965, Навагр. 13.10.2. 368. Хто цягне, таго паганяюць. Fed., 57. 369. Які конь цягне, на таго і кладуць. У. Іваноў, Мінск, 1958. 370. Валі на чорнага — ён усё звязе. М. Мельнічэнка, 1950, Гом. 13.3.29. 371. Як сытыя коні, дык малыя вазы кладуць, а як худыя коні, дык вялікія вазы кладуць. А. Мацкала, 1965, Іў. 13.10.3. 372. Панскай работы не пераробіш (перадзелаеш). Fed., 218; С. Заянчкоўская, 1956, Церах. 13.3.29. 373. Панам сеюць, жнуць і косяць, а сабе хлеба просяць. Янк., 61. 374. Усё ну да ну, а тпрукнуць некаму. Нос., 169. 375. Янук і засеяў і зжаў, а панок сажраў. Янк., 67. 376. Мужык у полі надрываецца, а ў пана пуза ўздымаецца. Янк. М., 107. 377. Не тэй піва п'ець, хто варыць. Нос., 104.