186. Сядзіць на рагожы, а кажа, што ў пана гожы. І. Байко, 1967, Клецк. 13.10.23. 187. Узяў у рукі біч да й думае, што паніч. Ляцкий, 48. 188. Які пан, такі і будан. Янк., 186. 189. Узяў калі пан жонку, бярыся, мужык, за хатомку. Ляцкий, 48. Вар.: Янк., 67. 190. Белыя рукі чужой працай жывуць. Рапан., 21. 191. Белыя ручкі чужую працу любяць. М. Пяткевіч, 1965, Ашм. 13.10.3; П. Мушчук, 1965, Ваўк. 13.10.5. а) Белыя рукі любяць чужыя мукі. Рапан., 21. 192. Белыя рукі працы баяцца. Ахрым., 13. 193. Дзе адзін танцуе, там сто гаруе. А. Ліс, 1958, Смарг. 194. Як кроль кралюе, так пан пануе, а мужык бедны цёнгле гаруе. Fed., 191. 195. Калі пан смяецца — мужык плача. Н. Рында, 1967, Зельв. 13.10.23. 196. Калі пан пяець, то мужыка трасца трасець. Ляцкий, 17. 197. Калі паны лікуюць, тагды мужыкі без хлеба таскуюць. Нос., 65. 198. Паны балююць, а мужыкі гаруюць. Ахрым., 10. а) Паны балююць, а наш брат бядуець. Нос, 125; Г. Румоўская, 1964, Пліс. 13.10.40. б) Пан балюе, а наш брат знай будуе ды бядуе. Янк., 61. в) Пан танцуе, а мужык гаруе. Л. Корсак, 1961, Асіп. 13.9.11.