а) Ні мукі пылінкі, ні солі драбінкі, ні гарэлкі расінкі. Нос., 112. 486. Худа жыць пры бязлесіцы, а яшчэ хужы пры бясхлебіцы. Нос., Слов., 21. 487. Няма ані цыбулькі, ані ўкрышыць ува што. Fed., 59. 488. Ані пык, ні ў зуб калапнуць. Крэмнеў. 489. Ні бобу каробу, ні гароху троху. Дуб., 38. 490. Хрэн ды рэдзька, ды й то было рэдка. Сцяшк., 613, Смарг. 491. Ні скарынкі, ні сланінкі. Fed., 279. 492. Ні ў мяшку, ні ў гаршку. Сержп., 24; Рапан., 51. 493. Няма і на лякарства. Fed., 161. 494. Відзіць бядняк малако, ды рыла ў яго каратко. «Кр.» 495. Усё з'еў і зубоў не пагрэў. Ляцкий, 51; Сержп., 37. 496. Дагуляліся гулякі: няма хлеба і табакі. А. Фядосік, 1959, Капатк. 8.1.44. 497. Салому сячэ, пірагі пячэ, сенам падмазвае. Fed., 235. 498. Прыйшлі важныя весці: няма чаго есці. Рапан., 53. 499. Аці, аці, да нечага даці. Нос., 3; Сержп., 7. а) Аці, аці, няма ўжо чаго даці. Fed., 72. б) Не за што сказаць аці, калі няма чаго ў рот узяці. Нос., 98. 500. Сем раз еў, але і разу за сталом не сядзеў. Fed., 130.