245. Свіння за вушамі сонца не бачыць. Сах. 246. Свіння палудня не знаець. Нос., 147; Дуб., 55. а) Свіння не знае поўдня. Ляцкий, 40; Сержп., 97. б) Свіння паўдня не знае, а сабака пятніцы. Fed., 309. 247. Свіння, не пакачаўшы, не з'есць. Ляцкий, 40; Fed., 309. 248. Паршываму парасяці і ў Пятроўку халодна. І. Цішчанка, 1973, Мінск. а) Паршывае парасё і ў Пятроўку мерзне. Н. Парукаў, 1961, Добр. 13.3.23. 249. Здаецца, што свіння смяецца, а яна плача. І. Курбека, 1961, Докш. 13.9.7. 250. Авечка — ля ўсяго чалавечка. Добр., Смол., 69. 251. Як многа сабак, дык двор не аббрэханы. 1952, Брасл. 13.9.5. Вар.: Добр., Смол., 69, Дзісен. п. 252. Харошага сабаку на прывязі трымаюць. Нос., 173. 253. Прывязлівага сабаку на чэп сажаюць. Дуб., 45. 254. Ліхі сабака з ланцуга сарвецца. Fed., 269. 255. Як сабаку кормяць, так ён і брэша. Т. Багдзевіч, 1965, Шчуч. 13.10.6. а) Як Лыску кормяць, так яна брэша. Д. Зальцэвіч, 1965, Радун. 13.10.6. б) Як сярка кормяць, так сярко і брэшыць. Нос., 196. 256. Не ўсякая сабака кусаецца, а ўсякая брэша. Ром., Бел., I, 302. 257. Добры сабака на вей вецер не брэша. Fed., 268.