63. Запас месца не пралежыць. Сержп., 76. а) Няхай ляжыць, месца не праляжыць. Нос., 106. 64. Хто ў лесе не злодзей, у доме не хазяін. М. Грынблаг, 1969, Лаг. а) Мужык у лесе не злодзей — дома не хазяін. Pietk., 379. б) Хто ў лесе не ўкраў, той дома не гаспадар. Сержп., 88. 65. Які ў лесе злодзей, такі дома гаспадар. 1961, Кап. 13.9.5. 66. Адно бервяно на дварэ лепей, як дзесяць у лесе. Мін.-Мал., 1970, 157, Старадар. 67. Пакуль адну дзіру залатаеш, то другая зробіцца. Fed., 96. 68. Адну дзірку ладзь, а другая туды ж глядзь. Нос., 119; Сержп., 135; Сах. 69. Усіх дзюраў ніколі не залатаеш: адну залатаў, то дзве прадзярэцца. Fed., 96. 70. Як ест — разыйдзецца, як няма — абыйдзецца. Fed., 45. 71. Час плаціць, час траціць. Дуб., Нар., 1. а) Рок плаціць, рок траціць. Fed., 262. 72. Адзін дзень аглобляй падважвай, а другі дзень — як з прывязі сарваўся. Янк. М., 127. 73. Шырокі двор, да невялікі збор. Нос., 186. 74. Тады хазяйка дужа, як кораб служа. М. Бабарыкіна, 1966, Чач. 13.3.29. 75. Калі ў хлебе плодзіць і на ніве родзіць, так і дурак хату водзіць. Шейн, II, 477, Барыс. п.