914. Малая пашэнька, ды ўбяры харашэнька. Г. Прытычанка, 1960, Докш. 13.3.29. 915. Яго доля ў канцы поля. Крэмнеў. 916. Не поле радзіць, а ніва. Добр., Смол., 40. 917. Пільнуй таго, з чаго хлеб ясі. Ром., Бел., I, 306; Ляцкий, 34; Сержп., 33; Fed., 234. а) Глядзі, з чаго хлеб ясі. Fed., 109; Калянд., 1925. б) Глядзі за тым, з чаго ясі хлеб. Pietk., 361. 918. Трэба рана ўставаці, калі хлеба дажыдаці. Ляцкий, 46. 919. Не марнуй часу дарэмна: вясна пройдзе — не вернеш. «Бел.», 1956. 920. Выходзь на поле з расой, дык будзеш з ядой. М. Бабарыкіна, 1966, Чач. 13.3.29. 921. Поле роўна ляжыць ды гуляць не вяліць. Сержп., 83. 922. Гарод любіць гарбатую бабу. С. Заянчкоўская, 1956, Церах. 13.3.29. 923. Кладзі гной густа — не будзе ў свірне пуста. Ахрым., 35. а) Кладзі навоз густа — будзе і ў свірне густа. М. Дуброўскі, 1956, Лельч. 13.3.29. 924. Палажы гнайку, да будзе на таку. Сержп., 85. а) Палажы гнайку, і будзець пшаніца хараша на таку. Нос., 132; Дуб., 48. 925. Угноім зямліцу — знімем пшаніцу. М. Малочка, 1959, Чаш. 8.1.46. 926. Вазі навоз, не лянісь, хоць богу не малісь. Д. Шыцік, 1961, Дубр. 13.9.13.