ЧЭСНАСЦЬ. ПРАЎДЗІВАСЦЬ. ХЛУСЛІВАСЦЬ 1350. Хоць бедны, да чэсны. Сержп., 88. 1351. Абы сумленне чыста. Fed., 293. 1352. Нікому вады не замуціў. Л. Царанкоў, 1960, Хоц. 13.9.2. 1353. За няпраўду роднага бацьку пасаджу, а за справядлівасць чужога асвабаджу. І. Лушчыцкая, 1960, Нясв. 8.1.52. 1354. Бог шчырага любіць, ды шчасця яму не дае. Fed., 34. 1355. Няма ў нікога праўды, толька ў мяне да ў маёй жонкі. Fed., 246. а) Праўды ў бога да ў мяне нямнога, да ў маёй жонкі, да ў маіх дзетак, да ў Пятра, да ў Паўла. Добр., Смол., 88. 1356. Што бачыў, тое кажу. Fed., 15. 1357. От мае мыслі да і на праўду вышлі. Fed., 193. 1358. Звоняць — свята, гавораць — праўда. А. Русіновіч, 1954, Светл. 13.3.29. 1359. Праўду пахаваеш і сам з ямы не вылезеш. Сах. 1360. Няма чаго гневацца, калі праўда. Ляцкий, 26. 1361. Скажы ў вочы — губы надзьме. М. Мельнічэнка, 1950, Гом. 13.3.29. 1362. Не заўсёды слёзы праўду кажуць. Fed., 303.