Бог знаў, каму паняцце даў. А. Фядосік, 1962, Капатк. 8.1.76. Больш у яго розуму ў пяцэ, як у це ў галаве. Fed., 263. а) Больш розуму пад ногцем, як у другога ў мазгаўніцы. Pietk., 390. Разумнаму латво радзіць. Fed., 260. Другому радзіць, а сабе не паможа. Fed., 257. Андрэй усіх мудрэй. Нос., 2. Вар.: Дуб., 39; В. Шаўчэнка, 1960, Ельск. 13.3.29. Чуе, як трава расце. Pietk., 316; Fed., 69. Ведае, як трава гаворыць. Fed., 331. Ведае, дзе чорт начуе. Горленка, 248, Акцябр. Разумны дурному ўступіць павінен. Fed., 260. Лішняе мудраванне — дураванне. Нос., 73. Мудры будзь, але не мудруйся. Янк., Дыял., І, 214, Глуск. Хто надта разумуе, то найдурней выходзіць. Fed., 259. Не будзь надта тэмпы, не будзь і васцёр. Mien., 397. Не думай вельмі шмат, а то скруцішся. Сержп., 133. Куда вецер веець, туда і розум. Добр., Смол., 126. Не дурань, хто маўчыць. Ляцкий, 30. Мудры свайго розуму не паказвае. А. Ліс, 1961, Смарг.