НАЗОЛЛІВЫ прым. Дакучлівы, назойлівы. Такі назоллівы маліц, галаву нам адурыў за вечар, пра ўсё патаўся. Судз. НАЗЫВІШЧА н. Назва, імя. Гэта ні назывішча, а насьмішка адна. Хто ш так дзяцей называйіць? В.Д. А якое назывішча той мясьціны? Кубл. НАЙМІТКА ж. Наймічка. Тата памёр, сёстры ў найміткі пайшлі. Судз. НАКАЛЬНІК м. Неслух, свавольнік (пра дзяцей, падлеткаў). Каб ён хоць бацьку слухаў, гэты накальнік. Навас. НАКАЛЬНІЦА ж. Жан. да накальнік. На лес глядзя дзяўчынка расьцець, накальніца. Астр. НАКАЛЬНЫ прым. Непаслухмяны, свавольны, упарты. Накальны стаў, у чужыя яблыкі лазіць. Арэх. Сын спакойны быў, а чаго ўнук такі накальны? Судз. НАКАШАЛІЦЬ зак. Нагаварыць абы-чаго, навыдумляць. Накашаліў цэлны воз і пайшоў сабе. Чэр. НАКЛЫЧЫЦЬ зак. Націскаць, нашкуматаць. Прыдзіць, наклычыць гэтага малога – відаць, любіць дзяцей. Міх. Дзеці наклычылі газет. Шчарб. НАКРЫПАЦЬ зак. Начыніць фаршам. Накрыпала кілбас. Арэх. НАЛАМІЦЦА зак. Прывыкнуць, прызвычаіцца. Як малы наломіцца, так і пасьля будзіць гаварыць. Стар. НАЛЕЧЫЦЬ зак. Вылечыць. Адзін бок мне налечылі, а другі скалечылі, агнём гарыць. Судз. НАЛІ злучн. Але. Ні хацела йсьці за яго, налі ж бацькі заставілі. Слаб. Нікарысьнінькая жонка, налі ш – хоць і крывая бярэзіна, абы ш чужога боку прывезіна. Судз. НАЛІВАХА ж. Каўбаса, начыненая дранай бульбай. Надзяром бульбы – і ў кішкі, скварак дабавім, вот і наліваха. Маж. перан. Поўны чалавек. Лоўкая дзевачка, наліваха, поўнінькая, ручкі як піравязаныя. Шчарб. НАМАРЖНІ мн. Намарзні. У санях на капылы набіваюць намаржні. В.Д. НАМІТУСЬ прысл. Галовамі ў розныя бакі, “валетам”. Ні было другой краваці, ляглі з дачкой намітусь. Чэр. НАНІЧЧА прысл. Навыварат, наніц, на горшы бок. Лайно нанічча надзела, людзі засьмяюць, адзень наліцо. Судз. НАПРАМІКІ, НАЎПРАМКІ прысл. Напрасткі. Як напрамікі, то кіламетраў дзевіць будзіць. Навас. Пагнала карову наўпрамкі, па лесі. Шчарб. НАПУЦІЦЬ зак. Навесці на правільны шлях, падказаць. Бісталковы маліц, алі дзяцька яго напуціў, насварыўся. Судз. НАРАВЕЦ м. Капрызны, упарты, наравісты чалавек. Німа шчасьця, пупаўся ей наравец, ніяк ні ўгадзіць яму. Арэх. НАРАВІСЦІК м. Тое ж. Ні нада дурыць дзяцей, дык ня будуць наравісьцікі. Нас. НАРАВІЦЬ незак. Любіць. Ні нараўлю цяперашняй моды. В.Д. Нараўлю ягады з малаком. Судз. НАРАЎНЫ прым. Які даспадобы, якога любяць. Нараўную дзеўку ўзяў. Судз. НАРОЎ м. Характар. Дрэннага нарову дзяцюк, ня йдзі за яго. Судз. Упартасць, капрызы. Німа чаго тут свой нароў паказваць! Арэх.