дэся тая стала — ушчэпіш нешта на сябе абы-што, ды й ходзіш па сяле. МАЖДЖЭР м., абразл. Дурная галава. У цябе мажджэр ніяк ні варыць. МАЗІДЛА н. Мазь. Дзе-та якога мазідла знайсці, боты памазаць. МАЗІЛА м. і ж. Чалавек, які часта прамахваецца. Ну й мазіла, зноў мяч ні забіў. МАРЦЭЛЯ ж., абразл. Непрыемная жанчына. Схадзі к гэтай марцэлі, мо яна пазычыць хлеба. МАХРАЧЫ толькі мн. Карэнні цыбулі, часнаку і іншай гародніны. Махрачы адрывайця ад цыбулі, бо пасля будуць праростаць. МАЧАНЯ н. Тук. Мне кап алаткі і мачаня на снеданя было, боляй нічога і ні трэба. МУСІ, МУСЯБЫЦЬ пабочнае слова. Мусіць. Яму, мусі, пячайка пякла, бо соду ўсё браў. МЫРМА м. і ж., абразл. Злосная асоба. Ну й мырма ты. Ізноў надулася, што мыш на крупы. НАПІТОШЫЦЬ зак. Напхаць. Яна ў міх напітошыла мех мякіны ды й павезла. НАСЫПА ж. Насыпка. На насыпы трэба плотнага мацяр'ялу набраць, кап пух ні лес с падушкі. НАЯДАК м. Яда. Што за наядак з гэтай сухой калбасы? НЕДЗЯЧКА прысл. Недзе. Ён недзячка пашоў, я сама бачыла. НОЛЕ сцвярджальная часціца. Ага, але. Ноле, яна ў яе хворая ўвесь тыдзянь была. Я сама бачыла. НЯЗГРАБА м. і ж. Няўдалы чалавек. З гэтай нязграбай ні на якія госці ні хочацца ісці. ПАПАРЫЦЦА зак. З'явіцца, прыйсці. Боляй ты ў нас ні папарысся, бо ні ўмеяш з нашымі дзецьмі гуляць і мірыцца. ПАПОНЯ ж. Доўгае адзенне. Яна бывая ўшчэпіць некую папоню аш да пят. ПАТЦЫГЛЯСТЫ прым. Цыбаты, даўганогі. Але немач яго ведая, што за патцыглястую карову купіў, што й падаіць страшна. ПАЎГЛОВАК м. і ж., абразл. Дурнаваты чалавек. У гэтага паўглоўка ты наўрат што даб'ешся. ПІСАГА ж. Шрам. Дзе гэта ты ўжо пісагу пасадзіў на назе?