ТУРКІ, БАРКІ І ЧОРТАВА БАЛОТА АБЫЙШОЎ – доўга недзе хадзіў, блудзіў, забрындаўся і стаміўся. П ТУГАКА, ТУГАЧКІ – тут. ТЭЖ – таксама. Б ТЭЛЬБУХ – вялікі жывот; чалавек з тоўстым жыватом. ТЭСКАЦЬ – несці нешта патайное, ды неаднаразова. – Што ён там усё цэлы дзень тэскае? Б УВАЖАЙ! – Ацані свае сілы, магчымасці! – Ну ўважай: калі зможаш, дак зрабі. УВАРЫЦЦА – моцна спацець. УВАВУЛІЦЬ – даць вельмі шмат куды-небудзь ці каму-небудзь (звычайна грошай). УВАЧАВІДНЕ – увачавідкі. УГАЛЯЛЯШЧЫЦЬ – заплаціць занадта вялікую суму грошай. – Ну, колькі ўгаляляшчыў за гэтае барахло? У ДАЎГУ, ЯК У ВЯНКУ (ШАЎКУ) – мець вялікі доўг як бы на ўсё жыццё. УЗВАЖЫЦЦА – намерыцца што-небудзь рабіць, пачаць нарэшце дзейнічаць. – Пакуль ён узважыцца, дак будзе позна. Ляпей я сама... УЗДЖАБУРЫЦЦА – нарэшце ўзлезці, з вялікім намаганнем, ускарабкацца на што-небудзь; узабрацца на тое, на што не трэба. УКВАГОНІЦЬ – запэцкаць вопратку ці рэч. Б УКВЭЙЗАЦЬ(ЦА) – запэцкаць(ца). Б У КРАКУ – не адпавядае таліі. Прыгожая спаднічка, але крыху зацесная ў краку. УКУНДЗЁБІЦЬ – упарадкаваць, навесці парадак у чым-небудзь. К УЛУКАТКІ – ісці ў той і іншы бок, як п'яны ці насамрэч п'яны. – Вонь твой ужо ідзе ўлукаткі: вароты адкрывай, бо ў веснічкі не пападзе. УМІНАЦЬ – есці вялікі кавалак з жаднасцю. – Твой ледзь дакрануўся, а мой дак добра ўмінаў. УПАР – негаваркі і ўпарты чалавек, з якім не дагаворышся і які не пагодзіцца ні з кім. У УПРАЎЧЫ – Вось упраўчы: усюды ўлезе, усё яму ведаць трэба.