ВЫМ'Я (вым'я) ніяк. Вымя. Вым'я карова распарола, малако с кроўю. Цял.
ВЫМЯРГАВАЦЬ (вымяргаваць), -гую, -гуеш; зак. тр. Вымеркаваць. Я неяк вымяргавала і ўзяла гарэлкі. Дук.
ВЫНАШАЙ (вынашай) мужч. Пук сухога лёну, вынесены з сушні за адзін раз. Ідзі ўжо вынашай нясі, працуй. Так., Ніз., В. В.
ВЫНАШАЯ (вынашая) жан. Гл. вынашай. Яшчэ засталася адна вынашая. Дук.
ВЫПАСАЖЫЦЬ (выпасажыць), -у, -ыш; зак. тр. Выжыць. Унучка выпасажыла дзеда с хаты. Дук.
ВЫПАТРАШЫЦЦА (выпатрашыцца), -у-ся, -ыш-ся; зак. тр. Зрабіць аборт. Выпатрашыся, калі ня баісься, бо сорам будзя. Дук.
ВЫПРУДЗІЦЦА (выпрудзіцца), -джу-ся, -дзіш-ся; зак. тр. Памерці. Ня чапайця дзеці яго, хай ён выпрудзіцца, злодзяй гэты. Дук.
ВЫПУСЦІЦЬ (выпусьціць), -шчу, -ціш; зак. тр. Пакінуць на гадоўлю. У яе карова ест і цялушку выпусьціла. Цял.
ВЫРАЧ (вырач) мужч. Балота. Хутка ў нас на вырачы асушальныя работы пачнуцца. Бобр.
ВЫСВЕНЦІЦЬ (высьвяньціць), -чу, -ціш; зак. тр. Гл. адсвянціць. Я яе добра высьвяньціла, боляй яна мяне ня зачэпіць. Дук.
ВЫСКРАБАЧКА (выскрабачка) жан. Маленькая булачка хлеба, спечаная з рэштак цеста. Дзяжу выскрабуць нажом, зьлепяць цесто ў галушачку і выскрабачкі пякуць. Горкі.
ВЫСТАЧА (выстача) жан. Лішак, рэштка. Як кросна тчэш, ды выстаняцца пража, дак кажаш, што абмылілася, выстачы многа. Цял.
ВЫСТРАБІЦЬ (выстрабіць), -блю, -біш; зак. тр.
77 👁